Росвигово, Oroszvég, RosvegovoДостал, Ярослав, с. 117. — заникле село, на правом березѣ Латорицѣ, котре в року 1944 стало ся частьов мѣста Мукачова.
История Перва исторична документована споминка в листинѣ князя Федора Кориатовича з року 1360.
В року 1612 пѣвцоучителѣ Мукачова были плачены в натуралиях частьов мукы, котру брали од росвиговского млина.Тронько П., сс. 381–382.
В року 1771 Росвигово уже мало свою грекокатолицку парохию з деревянов церквов Св. Михайла, де од року 1792 ведуть матичны книгы. В готарѣ села лежить монастырь на горѣ Чернек.Magyar Katolikus Lexikon
При списованю року 1930 в селѣ заевидованы 2822 обывателе, а то 1312 Русины, 960 Евреи, 273 Мадяре, 194 Чехы и Словаци, 27 Нѣмцѣ, 2 обывателе иншых народностей, 57 чужоземцѣ. Грекокатолицка громада числила 1257 вѣрникох и мала муровану церкву Роздва Пр. Богородицѣ з року 1864. Село мало державны уряды: нотарскый, пошту, телеграф, телефон, ходив державный автобус, была русинска школа (6 клас) и чешска (6 клас). З приватных газдовскых объектох заевидованы: паленчарня и бензинпумпа.
В року 1940 село было переважно русинске, мало 2905 обывательох, з них были 1577 грекокатолици, 909 израелиты, 241 римокатолици, 118 реформаты, 47 православны, 9 евангелици, 1 баптиста, 3 неокресленого вѣровызнаня.
Жерела и одказы
Тронько П. и др. (ред.) Історія міст і сіл України. Том 7. Закарпатська область. К. 1969.
Референции