Гаврило Глюк, *19. май 1912, Сигет, Мадярске кральовство (од Трианона — Румыния) – †2. новембер 1983, Ужгород, Украина — подкарпатскый малярь, Заслуженый умѣлець УССР (1963).Ivan PopБлюміна І. М.Небесник І. І.
Биография Походжѣня и штудииПоходив з еврейской родины.Ivan Pop Закончив гимназию в Сигетѣ и штудовав на Высшой школѣ вытварного умѣня в Будапештѣ (1931–1933). В атмосферѣ наростаючого нацизма и ксенофобии мусѣв лишити Мадярщину и продовжовати штудии в Румынии, але там быв нараз поволаный на шорову военчину, котра тырвала до яри 1936. Тым часом его родина перенесла ся до Ужгорода, што быв натогды в демократичнѣйшой Чехословакии. Не доставши дозвол одыйти там, гледать можность закончити малярске образованя в Румынии, де ся намѣрять доучити в Кишиньовѣ на умѣлецком училищу. Але ани ту не стиг зыскати диплому: по совѣтской анексии Басарабии (1940) быв мобилизованый до ставебной единкы Червеной армады и служив там до конця войны.Известные закарпатцы: Гавриил Глюк Дому, до УжгородуВ часѣ войны его отець, мати и старша сестра пропали в нацистичных концентраках.110-роча уродин Г. Глюка По войнѣ малярь ся вернув до Кишиньова (1946). Ту ся прилучив ку малярьской комунитѣ, став ся членом Сполку малярьох Молдовы. В року 1947, коли ся дознав, же в Ужгородѣ ся найшов его брат, вернув ся там, по часѣ нашла ся в заграничу и середня сестра. Ту жив и творив до конця живота. Покоить ся на ужгородском теметовѣ Калвария. Зоставать неоддѣлнов частьов подкарпатской културы.
Творба Участнив ся на малярскых выставках од року 1946. Персоналны мав в Ужгородѣ (1963), Киевѣ (1982, 1983). Быв зрѣлым автором жанровых образох, портретох, пейзажи. Основна тематика – карпатска. Полотна Гаврила Глюка позначены радостным свѣтоприймованьом, достовѣрностьов зображеного, суть колоритнов гимнов животу и труду. Роботы автора суть в колекциях Националного умѣлецкого музея в Киевѣ, Закарпатского, Сумского, Полтавского, Одесского умѣлецкых музейох.
Интересны факты Найславнѣйшым образом Г. Глюка став ся монументалный образ Лѣсорубы (1954), котрый мальовав три рокы. В року 1958 за образ Лѣсорубы достав велику стрѣберну медалию на Всесвѣтной выставцѣ в Бруселу. Тот образ пак путовав не лем по главных городах Европы але и по свѣтѣ од Мексика до Токиа. Образ Лѣсорубы (1954) закупила Державна Третьяковска галерия, а з часом го передала до Националной галерии в Киевѣ. В Ужгородском умѣлецком музею суть понад 120 образох Г. Глюка, меджи нима Лѣсорубы на стражи миру (1950), тематично и якостно барз близкый до свѣтославных Лѣсорубох (1954). Тот образ тыж достав свѣтову одзнаку на венецианском биенале в року 1951.ЯК ГАВРИЛО ГЛЮК МАЛЮВАВ «ЛІСОРУБІВ»?
Жерела и одказы
Небесник І. І.: Глюк Гаврило Мартинович // С. 94.
Референции
Катеґорія:Маляре