Алтайцї сут туркськый народ. Живут в Росії: в Републіцї Алтай, Алтайськум краёви, Тывї. Также живут у Монґолськум Алтаёви (Монґолія) а окрузї Алтай (Кітай).
Алтайцї ся подїлят на двї головні голузы:
южні алтайцї сут Телеуты а Теленґіты; сїверні алтайцї сут Кумандінцї, Челканцї а Тубалары.
З 2000 года у списанях жительства Телеуты а Кумандінцї ся рахувут за окремі народы.
Літературный алтайськый язык ся ґрунтує на южных гварах.
Чиселность За списом жительства 2002 года у Росії назвали себе Алтайцями 67 239 чоловік: 62 192 в Републіцї Алтай а 1880 в Алтайськум краёви.
Історія У бронзову тай желїзну добы на містї обываня днешных Алтайцюв ся нахожовали поселеня европеоідув. Починаючи из V. стороча до н. е. монґолські народы зачали змішовати ся из корінным обывательством. У різні епохы обывательство ся захвачовало Хунну, Жужанськым каґанатом, Туркськым каґанатом, Уйґурами а Кірґізами. У сесї часы обывательство потурчило ся културно а лінґвістичноSkutsch, Carl, ed. (2005). Encyclopedia of the World's Minorities. 1. New York: Routledge. p. 82. ISBN 1-57958-468-3..
Алтайцї прийшли на контакт из Русами у XVIII. сторочї. У самодержавії алтайцї были знаті ги ойраты. У тотї часы вельо Алтайцюв стали зависимыми од водкы, котру называли огнянов водов«"People from Russia — Interviews on the Streets", Way To Russia, 24 September 2003»..
Референції
Катеґорія:Туркотатарські народы