Ісландьскый язык ( ) є северно-ґерманьскый язык із індоевропской языковой родины, котрым бісїдує приближно 320 000 чоловік, векшына котрых жыє в Ісланді, де тот язык є офіціалным. Ісландьскый язык ся держыть як западношкандінавскый і є найблизкый ку фарерьскому, западным норьскым діалектам і уж вымерлому языку норн.
Ісландьскый є лінґвістічно конзерватівнїшый од векшыны іншых ґерманьскых языків, у котрых часто барз спрощена словозміна (у тім чіслї одміньованя назывників), в тот час як ісландьскый мать чотыри ґраматічны одмінкы (ґраматіка кус подабать на нїмецьку, але іщі конзерватівнїша і сінтетічнїша). Конзерватівный є тіж і лексікон, а языковый реґулаторный орґан Ісланда актівно держыть політіку лінґвістічного пурізма, што значіть, же преферує вытворьовати на новы понятя терміны на основі старых ісландьскых слів, а не хосновати пожычкы з іншых языківÞorsteinn G. Indriðason — “Icelandic”, Word-Formation: European LanguagesA tale of enthusiastic experts and puristic professionals: The Icelandic case.
Основна часть носителїв ісландьского языка (~300 000) бывать у Ісланді, але велика часть їх є тіж і в Даньску (~8 000), Споєных Штатах Америкы (~5 000) Based on 2000 US census data. і Канадї (~1 400), головно в реґіонї Новый Ісланд () у провінції Манітоба, котрый Ісландцї заселили в 1880. роках.
Центром всокочованя середнёвічных ісландьскых рукописів і зглядованя языка і літературы є фінансованый державов Інстітут ісландьскых штудій Арні Маґнуссона. Ісландьска языкова рада, котру роблять репрезентанты універзіт, кумшту, журналісты, учітелї і Міністерство културы, наукы і школованя Ісланда, є порадным орґаном у сфері языка про іншы орґаны властиÁrni Magnússon Institute — About the Institute.
З 1995. року народины поета Йонаса Гатлґрімссона 16. новембра ся празднують як День ісландьского языкаDagur íslenskrar tungu nálgast.
Референції
Катеґорія:Языкы Катеґорія:Ґерманьскы языкы Катеґорія:Шкандінавскы языкы