Румы́нськый вадь руму́нськый язык ( вадь , ) є восточнороманськый язык, офіційна и головна бесіда Румынії и Молдовы. Румынськым приказувут меншины в Мадярщині, Болгарії, Сербії и Украйині, а щи читава румынська діаспора. Вцілови румынськый за першый язык мавут 22 міліоны чоловік.
Румынськый ся щи знає кликати „молдавськый язык“ у Молдові, айбо Конституційный суд Молдовы в 2013. році постановив, ож „офіційным языком Молдовы є румынськый“. 16. марця 2023. року молдавськый парламент прияв закон за называня націоналного языка румынськым в ушыткых леґіслативных текстах и конституції; 22. марця президентка Молдовы Мая Санду тот закон промулґовала.
Румынськый влив на словянські языкы Хоть уцілови языковый контакт тяжіє у бук словянського вливу на румынськый язык, сут подакотрі приклады зворотного процеса. Тото головно лексика, скапчана з пастырьськым ділом и розведеньом маржины на молоко.
Русинськый язык ся тоже пуддав румынському вливу в лексичному плані: ватра (← vatră), брынза (← brânză), румеґати (← rumegat), колиба (← colibă), царина (← țarină), дзяма (← zeamă/zamă), мелай (← mălai), мериндя (← merinde) май (← mai; ипен ги спосуб формованя аналітичных компаративув и суперлативув, напр. май добрый, майдобрый).
Майліпше румынськый влив видко у южнословянськых языках, особено у болгарському и македонському, де вун ся зачав ищи уд першых сторочув по інвазії словянськых племен до южнодунайськых земель.
Запяткы
Референції
Катеґорія:Языкы