А́нтони ван Ле́венгук, Antoni van Leeuwenhoek ; *24. октобер 1632, Делфт, Република споеных Нидерландох – †26. август 1723, тыж там — нидерландский натуралиста, конштруктер микроскопох, закладатель научной микроскопии, котрый справив простый, але добрѣ звекшуючый микроскоп и зачав публиковати резултаты своих позоровань в научном журналѣ.Encyclopedia BritannicaКуприянов А. В., Фандо Р. А.
Походив з родины небогатого торговця полотнами и галантериов и быв ученый на ремеселника, пак продовжовав в роботѣ свого отця. В науках быв самоук, але став ся славным як закладатель микробиологии и микроскопии.
Од року 1670 служив во варошском судѣ и мав вецей вольного часу, в котром ся занимав брушеньом оптичного скла и правив леньчѣ. Левенгук за свой живот справив соткы леньч и досяг 300-кратного звекшѣня. Леньчѣ затисковав меджи двома металичныма пластинками, при них мав шпециалный держак з металовов иглов, на котру здѣвав объект своей обсервации.
Зоз такыма «микроскопами» Левенгук зробив множество обсерваций. Позоруючи, як кровь тече по капиларах, объявив, же капилары споюють артерии и вены, быв первый, што увидѣв еритроциты и объявив, же у птиць, рыб и жаб они суть овалны, а у чоловѣка ай иншых ссавцьох – дисковиты. Увидѣв и зрисовав спермии (1677), бактерии (1683), протозои, окремы ростлинны и животинскы бунькы, мускуловы волокна, части и органы понад 200 видох ростлин и животины. Объявив и описав ряд дробных организмох. Резултаты своих позоровань Левенгук выкладав в письмах, котры посылав до Лондонского кральовского общества, членом котрого ся став в року 1680.
Жерела и одказы
Референции
Катеґорія:Микроскопия Катеґорія:Микробиология Катеґорія:Биологы