Заби́тый в бої () є класіфікація жертев, котру в общім хоснують озброєны силы на опис смерти своїх прислушників в бої з неприятельскыма або неприятельскы наладженыма силами.[потребне лїпше жрїдло] Міністерство обороны Споєных штатів америцькых наприклад уваджать, же особы выголошены за забити в бої не мусили выстрїлити зо своїх збрани, але выстачіло, жебы были забити в дослїдку неприятельской атакы. Меджі забитых в бої обсягують особы забити приятельскым вогнём почас боя, але не особы забити при карамболах, як суть трафунковы транспортны карамболы, вражды або іншы неприятельскы подїї ці терорізм. Забити в бої ся можуть тыкать на боёвых єдиніць на фронтї, так ай морьскых, вздушных і підпорных сил.
Вмер од зранїнь Окрем того ся термін „вмер од зранїня“ () хоснує на означіня прислушників, котры ся дістали до здравотницького заряджіня перед смертю. Катеґорія „вмер од зранїнь, котры утерпів в бої“ () ся хоснує ай про боёвы жертвы, котры настали по здравотній евакуації.
Страченый, правдоподобно мертвый Тот термін „правдоподобно забитый в бої“ () ся хоснує в припадї, кедь ся прислушници страчають в бої, спочатку суть уведжены як „страчены в бої“ (), але кедь ся не найдуть, пізнїше ся предпокладать, же не пережыли. Є то тіпічне про морьскы биткы або бої в іншых неприятельскых середовисках, де є тяжко найти тїла. Велике множество вояків забитых в бої зістало в першій світовій войнї неідентіфікованых, як наприклад Джон Кіплінґ, сын брітаньского поета Радьярда Кіплінґа, што привело к заложіню Комісії про войновы гробы Сполоченства народів.
Дефініція НАТО НАТО дефінує забитого в бої або жертву боя як боёвника, котрый є забитый на містї або вмер в дослїдку зранїнь або іншых травм скорїше, як ся дістане до здравотницького заряджіня або му поможуть сполубоёвници.
Поз. тыж Страченый в бої Войновый заятець Зраненый в бої
Референції
Вонкашнї одказы
* Катеґорія:Воєньска термінолоґія Катеґорія:Война Катеґорія:Жертвы войны