Буковель авадь БуковяльНімчук Василь. Буковель чи Буков'яль? // НЗ ТНПУ. Сер: Мовознавство. — 2017. — 1(27) — ISNN 978-966-7425-97-5— популарный усьосезонный курорт у Украйині в Карпатах, май грубый гурьськолжный курорт выхудної Европы з сполочнов довжинов трас 58 км. Курорт розміщіный в селови Поляниця, коло пудножа єднойменної горы Буковяль на высоті 920 метру над руньом моря. Май высока точка курорта — г. Довга — 1372 м. Зимньый сезон може проходити з децимбря до апріля.
Назва Назва курорта походит уд назвы горы Буковяль, коло пудножа якої го постройили.
Ґеоґрафія Курорт розміщіный не далеко уд села Поляниця Ивано-Франкувської области, за 30 км уд вароша Яремча и за 100 кіломийтру на сіверный запад уд вароша Ивано-Франкувськ.
Буковяль розміщіный на пятьох горах: Буковяль (1127 м), Бульчиньоха (1455 м, Буковяль дуйшов до 1150 м), Довга (1373 м), Бабин Погар (1 180 м), Чорна Клева (1 241 м)..Позад сего курорт має булше гий 75 км трас всьых руню чажкости.
Буковяль розміщіный на теріторії базийна р. Прутиць Яблыницькый, лівої притокы р. Прут (базийн Дуная). На р. Гнилиця (лівуй притоци р. Прутиць Яблыницькый) у 2012 годі зроблино штучноє озеро, майгрубоє штучноє озеро в Украйині — Озеро Молодости, площов 6,8 га (такой карпатськоє озеро Синевир).
Май близка жилізнопутьова штація — Татарув-Буковяль (близко 15 кіломийтру).
Історія курорта Історія курорта зачинат ся з 2000, коли меже ТзОВ «Скорзонера» та фірмов «Горизонт АЛ» было укладено договор про зотворіня турістічно-рекреацічного комплекса цілогуднього функціонованя. Было проведено передпройиктні зглядованя теріторії, роздивли ся возможні варіянты розміщіня гурьськолыжных полю й осю канатных доруг пирьвої очериди. До зглядовань теріторії, а тож зотворіня майстер-плана были залучині проводні заграничні компанії, ай австрійська фірма Plan-Alp тай канадська Ecosign.
Пуд куниць 2001 зроблині штартові роботи по запускови пирьвої канатної дорогы комплекса — вытяга довжинов 691 м на сіверному схылі горы Буковяль. Паралелно з будовництвом канатної дорогы розробляли ся варіянти розміщіня парнокрісилної канатної дорогы на сіврно-заподному схылі горы Буковяль. У сектемброви-октоброви 2002 сись проєкт реалізовано канатнов дорогов довжинов 1000 м. У 2003 удкрыли другый схыл — трасы 2А і двокрісилного вытяга. У 2004 удкрыто трасу 7А, на якуй розміщино бугелный пудйомник и зачато актівну пудготовку до зотворіня масштабної гурьськолижної арены. У 2012 курорт выділино майбулш шустроростучым гурьськым курортом світа. У 2015—2017 годах ціфрова аґенція Postmen проводила на курортови майвысокогурьські в Украйині шпортівні перемаганя сирії Sport Weekends: Sprint Triathlon Cup, Mountain UltraSwim, Triathlon Olympic Cup, 100 БукоМиль — Bukovel 160km UltraTrail, Vertical Run, Endurance UltraTrail, 1/2 Iron Triathlon. У децимбрьови 2016 выслідком націоналізації ПриватБанку часть курорта Буковяль перийшла у личность державы У октобрьови 2018 державну частку выставлино на продаваня. +Навщивеность2003/2004 сезон2004/2005 сезон2006/2007 сезон2008/2009 сезон2010/2011 сезон20232024Сполочно48 тисяч206 тисяч400 тисяч850 тисяч1,2 міліоны2,3 міліоны2,5 міліоныМеже них инозимцю8-10 %
Инфраструктура Колесо никаня має высоту 45 мийтру. Буковяльськый аквапарк "Мавка" є майгрубым у выхуднуй Европі.
Трасы тай вытягы
Трасы проходят на шпеціялно пудготовленых схылах из травянов основов. Всі обладнані сніговыми пушками тай засокочині уд прямого сонцового заря. Трасы приготовлювут діля лыжаня шпеціялнов снігонапильовалнов тай сніготрамбовалнов техніков. Освітліня 7 трас (1C, 1E, 2A, 2B, 7A, 14A і 14B) позволяє лыжати ся й вечурь.
У сезон на курорті функціонувут 19 вытягу з сполочнов пропускнов возможностьов приблизно 35 тис душ на год. Єдночасно, комфортно на схылах курорта можут лыжати ся 20 тым душ.
Кулькость трас: 68 Довжина трас: уд 300 ид 2353 м. Класіфікація трас: сині, черлині, чорні, могул (№1В) тай фрі-райд (є шпортівні трасы тай біятлонна траса) Перепад высот: уд 40 ид 285 м.
19 вытягу, ай именно:
1 — шостикріселный (№ 3) 13— чотырикрісилні (№№ 1, 2R, 5, 7, 8, 11, 12, 13, 14, 15, 16, 17, 22) 1 — двокріселный (№ 2) 1 — трикріселный (№ 9) 3 — буґела (№ 6, 7R, M)
Bukovel Ski School
Bukovel Ski School — гурьськолыжна тай сноуборд ошкола «Буковяль» была заложена у 2001 г. менеджерами гурьськолыжного курорта «Буковяль» и тренерами з гурьськолыжного шпорта тай сноубордінґа. Діятилность ошколы напрямлена на учіня людий всьых годовых катеґорій, пудготовку професійных шпортсману, пропаґанду здорового способа житя тай гурьськолыжного шпорта.
Bukovel Ski School є главным орґанізатором перемагань гурьськолыжного шпорта тай сноубордінґа дітий, аматору, шпортсману тай инструктору — булшоє 30 перемагань у зимньый сезон. У літньый період ошкола занимат ся орґанізаційов проґрамы дітинського шпортівно-оздоровитильного табора «Буковяль», котрый функціонує на теріторії курорта, а тоже проводит рузні забавы для навщивитилю ТК «Буковяль». Bukovel Ski School тоже є орґанізатором масштабных благодійных соціялных проєкту («Ставай на лыжи», «Шпортівна сикція», «Раді діти»), што напрямлині на популарізацію гурьсько-лыжного шпорта меже дітий, юных шпортсмену, учню ошкол-интернату.
Постояными партнерами Bukovel Ski School є: Міністерство ошколованя й наукы Украйины, Міністерство моложавы тай шпорта Украйины, Федерація лыжного шпорта Украйины, Націоналный олімпійськый комітет Украйины.
Всі инструкторы ошколи были ошколовані удповідно д меженаровым штандартам парованя инструктору з гурьсько-лыжного та сноуборд шпорта — ISIA.
Bukovel Bike Park Bukovel Bike Park — біциґльопарк на теріторії турістічного комплекса Буковяль. Парк убладнаный трасами для рузных дісціплін гурьського біциґльошпорта (маунтінбайкінґ MTB): Cross-Country, DownHill.
Довжина трас для біциґльованя — 46,7 км Довжина трас для шустрого спуска — 4,7 км
Байк Парк предкладає 10 маршруту рузного руня чажкости тай прочажности — уд убдвилявчых трас ид DownHill і SuperD. За сезон в парк приходят булше 6000 турісту.
Bukovel Bike Park є орґанізатором тай основнов локаційов проведіня многых біциґльоперемагань, ай именно каждогудньых Bukovel Grand Bike Fest, Націоналный DownHill чемпіонат Украйины, Bukovel DH.
Біятлонна траса тай стрілище Папірьова робота по звединю комплекса зачала ся щи у 2018 годі з выділиня земли. Айбо утвирьдити проєкт тай получити уд державы гроші получило ся не зразу. Зачали будовати Біятлонну трасу тай стрілище в тому же 2019 годі. Роботи розділили на три очереди: перва - траса на 4 кіломийтры, стрілище на 32 огньовых рубижі, сістемы засніжиня, освітльованя. Друга и тритя – то є трібуна на три тисячі людий (буде возможность закласти тож часову трібуну), тунели, цоколна платформа, адмінхыжа, асфалтованя трасы діля лыжоролеру, готелі-хыжкы для шпортсману, комнаты діля сокочіня збруї та допінґ-контрола, коментаторьські, медія-центр.
На новимбирь 2020 года, на біятлоннуй арині было встановлино стрілища, котроє розрахованоє на 32 установкы, а не 30, гий на булшости стадіона, оконано основі земляні роботи. Фактічно было оконано всі роботи 1 очереди. В децимбрьови того же года пройшли пирьві перемаганя. На сектимбирь 2021, на комплексови проведено основі асфалтні тай бетонні роботы трас, частково змонтовано освітльованя. У 2024 годі проєкт продовжує розвой, розширювут ся трасы, продовжує ся модернізація сістем, проведено асвалтованя булшости доружок. У кунци 2024 года на трасі пройшов другый у сезоні 2023/24 Чемпіонат Украйины з біятлона.
VODA day&night club VODA day & night club – то є комплекс забав й услуг. Літом принимає до 1500 Навщитилю, гий уддыхавут на шезлонґах на берегови озера, в надувному аквапарка, в релакс-зоні тай коло грубого базийна. Також, кроме динного уддыханя, гості можут забавляти ся нучными шов-проґрамами тай выступами артісту з унікалної сцены на воді.
Зимов робит релакс-зона, што вміщат до 200 людий. Гостям предкладає ся цілый комплекс услуг: римська парна, серидньоземноморьська сауна тай фінська савна з возможностьов реґульованя вогкости, котра зроблина з канадського кедра, што має рекреаційну силу тай природным чудами ароматом. Кроме того, діля зліпшіня імунітета тай збываня уд многых битюгу мож провідати соляну яскыню.
Меженародный дітинськый центр «Артек-Буковель» Дітинськый табор «Артек», по аниксії Крыма Російськов Федераційов мусив быв перийти в Карпаты.
У 2014 годі позад старань команды артека тай компанії «Ресорт Менеджмент Ґруп» при помочи туристічного комплекса «Буковель» и Департамента ошколованя, наукы, файты, моложавы тай шпорта Ивано-Франкувської ОДА было зотворено Меженародный дітинськый центр «Артек-Буковель».
Пирьва зміна табора зачала ся — 16 юля 2014 года. «Артек-Буковель» готовый прийняти за єдну зміну на уддыханя 1500 дітий, а за ціле літо — булше 10 000. Зимов в сезоні 2014—2015 году МДЦ «Артек-Буковель» планує прийняти перву свою зимню зміну, и перийти на цілогодню роботу.
На 2023 гуд Меженародный дітинськый центр «Артек-Буковель» продовжує функціоновати. Наприклад літом центр прийняв 1200 дітий из дітинськых дому родинного типа з помочов фінансової пудпоры Фундації Олени Зеленської. Проґрама каждого заїзда передвижує походы, квесты, творьбові конкурсы, стрічі з знатными людми, а тоже много шпортівных актівностю.
Перспектівы розвоя курорта
Курорт актівно розвоює ся — фурт проводят ся роботы з розширіня инфраструктуры тай прокладіня новых лыжных трас, булша часть постройок была зроблена в послідні пару году. Майстер план розвоя Буковяля передвижує закладная 26 грубых вытягу з сумарнов продуктівністьов 57000 душ на годину й стройка трас сполочнов площадьов 379 гектару, што позволит комфортно умістити 19500 турісту єдночасно. Пуслі окончіня пятого, посліднього етапа постройкы курорт буде мати 118 кіломийтру гурьськолыжных трас, што позволит курорту прийти до числа 50 майбулшых гурьськолыжных курорту світа.
Сполочный план тож передвижує зотворіня 13200 спалных міст в готелах на теріторії курорта, 13380 міст в хыжках розміщыных у близкости до схылу, 3650 міст у котеджах и 3160 міст в жытовых хыжках діля робутнику курорта (всього 33390 спалных міст). Про даный курорт из сполочнов устностьов булше 20000 чиляди тоже заплановано 2500 міст паркованя машин на денных автостоянках (включавучи 2000 міст у двох грубых парковалных потройках).
жилізнопутьова часть; канатна дорога Яремче-Буковяль; готелный комплекс економ-класа про студенту з дансінґами тай аквапарком; крытый паркінґ на 3000 машин; ледовый палац; нові трасы; гаф-пайп.
На літо 2023 года актівно роблятся слідувущі проєкты:
— акумулювучый галаштув №3 для сніговых сістем ТК «Буковяль». Сполочна площадь галаштова— 4,4 га, площадь водного зиркала — 2,1 га, обєм воды — 150 тис. кубічных мийтру;
— колесо никаня. Площадь — майже 9 га, площадь забудовы — 643,8 кв. мийтры (включає операторну, касу, санузлы тай другоє), высота колеса никаня — 45 м (се буде єдно з майгрубых колес никаня в Украйині, такої высоти колесо никаня поклали в Одисі у 2011 годі й тогды вно было майгрубым в Украйині.).
— аквапарк на чотыри повирьхы. Площадь участка — булше гий 3,7 га, площадь забудовы — майже 8 тис кв. мийтру, пропускна возможность — 1100 душ.
— строят ся нові готелы тай апартаменты
Крітіка розвоя курорта Розширіня тай розстройка курорта нищит унікалну екосістему місности, курорт стає грубым варошом у горах.
Позад міняня клімата вчині проґнозувут щезаня грубої части гурьськолыжных курорту у Европі, включавучи Украйинські. Ґалерія
Никай втож
Гурьськолижный курорт Куршевел Земмеріннґ
Пудміткы
Удсиланя
Офіційный сайт курорта Буковяль Офіційный Telegram канал Буковяль зимов Буковяль – ТОП 10 інтересных міст літом