Дже́йсон Сте́йтем (часто блудом Стетхем, , ;How to pronounce statham — inogolo, Say How? — NLS/BPH. 26. юлія 1967 Лондон, Споєноє корольство) — британськый актер. Ун знаємый за роли суровых персонажу у шелиякых бойовиках-трилерах, и йому приписувут удроджіня бойовику у 2000. тай 2010. роках.The Reel Truth: Everything You Didn't Know You Need to Know About Making an Independent Film До 2017. рока його кіна зобрали вирьх 1,1 міліарда фунту стерлінґа (1,5 міліарда долару), што робит го єднов из майприбытных звізд індустрії.Scholars tackle soaraway success of Jason Statham

Животопис

Ранні рокы Джейсон Стейтем уродив ся в Шайрбруку 26. юлія 1967. рокаThanks for all the Birthday messages. The real date is 26 July. у родині Баррі и Ейлін Стейтем (рожд. Єйтс)Action Bloke. Пак Джейсон перийшов у Ґрейт-Ярмута, де занимав ся бойовыма майстерностями. Вінсент Джонс, бывшый професіоналный фотбаліста, познакомив го з америцькым фотбалом. Засим Стейтем бавив за місну ґімназію, у котруй штудовав ся из 1978. по 1983. рокы. Ун быв членом націоналної репрезентації Великої Британії з плаваня перибігом 12. року.Jason Statham, last action hero

Стейтема замітило моделноє аґентство Sports Promotions. Ун пудписав модилні контракты из Tommy Hilfiger, Griffin тай Levi's.Jason Statham: Taking Stock У 1997. році Джейсон став моделов бренду шматя French Connection.To baldly go where no mane's grown before Айбо ун такой мусів быти уличным бовташом, обы зводити кунці з кунцями.Jason Statham, for Your Amusement

Карєра

Карєру модели Стейтем успішно злучовав из роботов на улици. За даякый час владітиль фірмы, котру рекламовав Джейсон, став ґенералным продуцентом дебутного проєкта Ґая Річі «Lock, Stock and Two Smoking Barrels» (1998) й предложив режисерови кандидатуру Стейтема на роль у філмови. Режисера зачудовала його моделна робота. Послідь пробы Річі взяв го на роль.AskMen Філм быв добре восприятый критиками а позирачами. За роль йому заплатили 5 тисяч фунту стерлінґа. Другым сотрудництвом з Річі быв філм «Snatch» (2000), за котрый дали 15 тисяч фунту. Послі сього ун попав у Голлівуд и зняв ся у двох філмах у 2001. році: науково-фантастичнум бойовикови трилерови «Ghosts of Mars» тай науково-фантастичнум бойовикови про бойові майстерности «The One».

Стейтему продовжовали предагати роли у кіно. У 2002. році ун зайграв главну роль у «The Transporter» за сценарійом Люка Бессона. Філм привюг ид двом продовжіньом «The Transporter 2» (2005) тай «The Transporter 3» (2008).

У 2005. році Річі зась закликав актера на главну роль у його новый проєкт «Revolver», котрый, за никаньом критику, не удав ся.How to flog a turkey У 2008. році Стейтем зняв ся у британськум криміналнум трилерови «The bank job» тай «Death Race», ремийкови філму «Death Race 2000» (1975). Американськый кінокритик Армонд Вайт высоко уцінив пуднятя Джейсона Стейтема ги звізды бойовику. Май потум, у 2008 році, Вайт похвалив філм Стейтема « Перевізник 3» ги файный примір кінетичного поп-арта.Transporter 3 Review

У 2010. році Джейсон ся появив вєдно из Сілвестром Сталлоне, Джетом Лі, Долфом Лундґреном тай Мікійом Рурком у бойовикови «The Expendables». Філм мав комерційный успіх, побывавши на первум містови в прокатови в США, Великуй Британії, Китайови тай Індії. В цілому зобрав 274 міліоны долару по всьому світови.November Will Be a Great Month for Guy Ritchie & Jason Statham Fans

У 2011. році ун зайграв главну роль у «The Mechanic», што є ремийком філма 1972 рока з таков же назвов. Трейлер, у котрому Стейтем ''удстрілят чоловікови голову" быв заказаный Адміністраційов по станадартах рекламы позад демонстрації надмірного насильства.The Mechanic film advert banned from television Стейтем появив ся у роли брата антаґоніста Оуена Шоу в кунці філма «Форсаж 6», што выйшов в 2013. році.'Fast & Furious 6' spoilers ending Через рук Джейсон зняв ся у музикалнум відеови "Summer" Келвіна Гарріса ги єден из оббіговачу.

Выпуск продовжіня його філма 2011 рока «Mechanic» быв запланованый на кониць 2016. рока, а премєра была анонсована пуд назвов «Mechanic: Resurrection». Філм став комерційно успішным на меженародных бовтах кіна, зобравши 109,4 міліона долару по всьому світови. Box Office: 'Mechanic: Resurrection' Becomes Jason Statham's Biggest Solo HitУ фебруарови 2017. рока ун зняв ся вєдно з Ґалом Ґадотом у рекламі Супер Бовлу діля Wix.com.Jason Statham and Gal Gadot launch Wix.com's Super Bowl LI campaign

Стейтем зайграв бывшого капітана ВМС Джонаса Тейлора, у бойовикови-трілерови 2018. рока «The Meg», котрый выйшов 10. авґуста. Філм зобрав 527,8 міліона долару в світовум прокаті.‘The Meg’ Producers on Keys to U.S.-China Co-Production Success: "It Had to Be Culturally Sound"

Личный живут Джейсон Стейтем познакомив ся з моделов Роузі Гантінґтон-Вайтлі у 2010 році.Rosie Huntington-Whiteley cozies up to One Direction in Glamour: ‘The lads are like puppies – they’re adorable!’ У януари 2017. рока уни побрали ся. Їхньый сын уродив ся в юнійови 2017. рока,Jason Statham and Rosie Huntington-Whiteley Welcome Son Jack Oscar а дочка в фебруарови 2022. рока.Rosie Huntington-Whiteley and Fiancé Jason Statham Welcome Second Baby, Daughter Isabella James

Стейтем має чорный пояс з карате.Is Jason Statham a Real Martial Artist? У 2014. році його ввели у Меженародный зал спортивної славы.2014 Hall of Fame Inductees

Зазначкы Катеґорія:Уродили ся 1967 Катеґорія:Персоналії подля алфавіту Катеґорія:Статя написана верьховинськым діалектом Катеґорія:Актер