Е́рік А́ртур Блер (, 25. юнія 1903 – 21. януара 1950) быв британськый романописець, поет, есеїшта, журналішта тай критик, котрый писав пуд псевдонімом Джордж О́рвелл (). Його праці ся характеризувут простым розумливым языком, соціалнов критиков, опором тоталітарізму (як авторитарному комунізму, так и фашізму) тай пудпоров демократичного соціалізма.
Орвелла майфайно знавут за його алеґоричну новелу „Звіряча ферма“ (Animal Farm; 1945) тай антіутопічный роман „1984“ (Nineteen Eighty-Four; 1949), хоть його літературна дідузнина обсягує ай літературну критику, поезію тай полемічну журналістику. Його нонфікшенові роботы, у тум числі „Путь на моло у Віґані“ (The Road to Wigan Pier; 1937), котрый описує його жывут у роли робочого класа у індустрії сіверної Анґлії тай „Честь Каталонії“ (Homage to Catalonia; 1938) за катунськый час у Републіканськуй фракції у Іспанськуй громадянськуй войні (1936–1939) мавут такоє ипен критичноє узнаня, як и його есеї за політику, літературу, язык и културу.
Орвеллові праці мали тай дотеперь мавут читавый влив на популарну тай політичну културу; тоталітарні тай авторитарні соціалні практикы называвут на його честь „орвелувські“, а многі из його неолоґізмув, такі ги „Великый Брат“ (Big Brother), „думкозлочин“ (thoughtcrime), „Комната 101“ (Room 101), „новояз“ (Newspeak), „двоймысленя“ (doublethink) яли ся шыроко хосновати у анґліцькуй и другых бесідах. „Таймс“ назвав Орвелла другым майвеликым британськым писательом уд 1945. року.
Товмачіня по русинськы У 2017. рокови выдавательство „Лемко Тавер“ удало у Польщи лемкувськоє товмачіня Орвеллової новелы „Звіряча фарма“ авторства Петра Криницького у рамках „Ґолем сериі“.
Референції