Фединець Александер Васильов (*13. юн 1897, Малый Раковець, Подкарпатя – 6. апрѣль 1987, Ужгород), дохтор-хирург, закладатель закарпатской школы хирургох.Вегеш М. М. Животопис Закончив ужгородску гимназию и быв мобилизованый до австро-мадярского войска. Войовав на италийскому фронтѣ (1917–1918), де зостав тяжко раненый. По демобилизации учив ся на дохтора на Будапештской универзитѣ, а по приеднаню края до Чехословакии, продовжив на Карловой универзитѣ в Празѣ, од року 1924 хирург мукачовской болницѣ до року 1928; дале в хирургичной клиницѣ Братиславськой универзиты (1928–1932); ведучый оддѣлу хирургии Мукачовской, Ужгородской, Севлюшской болницѣ (1932–1939), дале в Ужгородѣ ведучый катедры общой и факултной хирургии (1952–1975), професор-консултант катедры общой и шпиталной хирургии Ужгородской универзиты (1975–1983). Закладатель и голова областного общества хирургох Закарпатя (1955–1975).
Зробив понад 35 тысяч операций. Понад 3000 молодых хирургох пройшли у него школу медфака. Одзначеный орденами и медалями, званями заслуженого дохтора и заслуженого працовника высшой школы Украины.Ганич М. М., Ганич О. М.
Честь памяти В Ужгородѣ една з улиць в централной части несе имя Фединця, а коло нового хирургичного корпусу Закарпатской областной болницѣ (улиця Капушанська, 22) 17. новембра 2014 отворили му памятник (автор Михайло Белень).Закарпаття онлайнКуруц Мирослава
Жерела
Референции