Молда́вськый язык (, кирилицьов ) є єдна з двох місных назывок на румынськый язык у Молдові. Формално офіційный язык Молдовы ся дефіновав ги „молдавськый“ у Статі 13 конституції 1994. року, кой декларація незалежности за 1991. рук указовала „румынськый“. У 2003. році молдавськый парламент прияв закон, подля котрого и „молдавськый“, и „румынськый“ тото лінґвонімы на єден и тот самый язык. У 2013. році Конституційный суд Молдовы постановив, ож декларація незалежности має перевагу над статьов из конституції, тым самым уддавши статус офіційної назывці „румынськый язык“. 16. марця 2023 молдавськый парламент прияв закон, котрый наказує хосновати назывку „румынськый“ на націоналный язык в ушыткых леґіслативных текстах и конституції. 22. марця тот закон промулґовала президентка Молдовы Мая Санду.
Непризнана Придністровська молдавська республіка дале признає „молдавськый язык“ єдным из офіційных вєдно з російськым и украйинськым. В Украйині „молдавськый язык“ быв признаный меншиновым до 13. юнія 2026, кой став платный закон, приятый Верьховнов радов Украйины за выключіня молдавського з исписа защищеных языкув подля Европської хартії реґіоналных и меншиновых языкув. На тот момент ушыткі 16 школ у Одеськуй области, котрі мали у проґрамі „молдавськый язык“, замінили тот термін на „румынськый“, як написала ґазета „Думська“ 13. януара 2024 за заяву Міністерства школованя и наукы Украйины.
Молдаване сторочами хосновали вба терміны взайимозамінно, айбо у часы Совєтського союза термін „молдавськый язык“ став єдиным признаным.
Булшина молдованув из высшым ошколованьом и булшина бывателюв столиці, Кишиньова, называвут свуй рудный язык „румынськым“; булшина бывателюв сільської місности на списованьови 2004. року вказали рудным языком „молдавськый“. У школах у Молдові ся термін „румынськый язык“ хоснує уд уголошіня незалежности.
У Молдові ся говорит молдавськым діалектом румынського языка, ареалом котрого є приближно територія даколишнього Молдавського княжства (теперь розділена помежи Румынійов, Молдовов и Украйинов). Тот діалект ся тримле за єдну из пяти головных варіацій румынського языка. Ушыткі пять сут на письмі ідентичні; Молдова и Румынія мавут єден літературный язык.*
Encyclopædia Britannia (online ed.), quoted in
Л. И. Лухт, Б. П. Нарумов. "". . . Институт лингвистики Российской академии наук, 2001.
Стандартный алфавіт, хоснованый у Молдові є ідентичный до румынського алфавіта, вчиненого на основі латинського письма. До 1918. року хосновали ся вшылиякі варіанты румынської кирилиці. Молдавська кирилиця, стандартизована в Совєтському союзі на основі російської азбукы, хосновала ся у 1924–1932 и 1938–1989. роках и дале ся хоснує у Придністровськуй молдавськуй республіці.Denis Deletant, Slavonic Letters in Moldova, Wallachia & Transylvania from the Tenth to the Seventeenth Centuries, Ed. Enciclopedicӑ, Bucharest, 1991.
Референції