Гові́ня вадь пуст тото акт повного вадь часточного удказу уд їдіня и пораз питя вадь другых занять, майчасто ги часть реліґійного ритуала. Кой чоловік держит говіня, каже ся, ож гові́є вадь ож ся не порзни́т.
Християнство Католицизм
У католицькуй церькві практика говіня представлена зменшеньом обсягу спожытого за день їдіня и головно ся держит у період Говіня, котрый иде 44 дны уд Попілної середы до Пасхы (на знак покаяня и на подобу Исусовому 40-дньовому говіню в пустыни), реґулує ся канонами 1250–1253 Кодекса канонічного права 1983. року. У них пише, ож періодом покаяня сут ушыткі пятниці року и доба Говіня; вшыткі, кому ся уповнило 14 рокув, мусят не їсти мнясо в Попілну середу, Велику (Страсну) пятницю и вшыткі другі пятниці року кроме літурґійных торжеств (славностий), а уд дорослого віку и до 60. року жывота мусай держати говіня.
Кроме того католикам не мож нич їсти вадь пити окрем воды тай лікув годину до приятя тайинства євхаристії (причастя) — тото ся кличе євхаристійный пуст.Code of Canon Law (CIC), Rome: Libreria Editrice Vaticana, 4 November 2003 , c. 919.
Подакотрі католикы убиравут ай удержовати ся уд другых активностий у період Говіня (наприклад никаня телевізії, бавліня у компютер) авадь заміньовати їх на молитвы, адорації и другі реліґійні ритуалы.
Православіє Православні християны восточного обряда говіют бігом дакулькох пусных періодув у році: Великоє говіня 40 днув перед Пасхов, Малоє говіня перед Руздвом, кажджу середу и пятницю кромі подакотрых празникув, Апостолськоє говіня по Великодню и два тыжні перед Успіньом.
Лутеранство У лутеранстві традиційными днями говіня и удказа їдіня уд мняса сут просьбенні дны; подакотрі лутеранські церьквы говіют у період Говіня,What is the holiest season of the Church Year? . Retrieved 3 February 2010. Archived copy at the Internet Archive особено в Попілну середу и Велику пятницю. „Пудручник дисципліны говіня“ (A Handbook for the Discipline of Lent) прописує такі настановы: Лутерув „Малый катехизм“ за євхаристійный пуст пише: „Говіня и прилажованя тіла тото направду добра дисципліна“. У лутеранстві євхаристійный пуст є доброволный и держит ся уд пувночи до приятя євхаристії. Теолоґічно „євхаристійный пуст є фурт у чеканьови тайинства євхаристії, напоминаньови за Послідньый день, кой ушытка худоба пропаде, потреба в говіньови удпаде и кажджа молитва буде сповнена, а вшыткі Божі люде будут празновати на свальбовуй вечери Агнця“.
Мормонізм Вірникы Церьквы Исуса Христа Сятых послідньых днув типово ся вдержувут уд їдіня и питя на два прийомы їдіня за 24-годинный період у першу суботу кажджого місяця, и церьков закликає жертвовати гроші, котрі бы инак пушли на тото їдіня, тым, ко того потребує.
Ранньоє християнство У раннюм християнстві до 6. стороча была традиція Чорного говіня — строгый пуст, бігом котрого челядник не їст и не пє удень домак нич, а з заходом сонця молит ся, пє воду и їст пусноє їдіня без мняса, яєць, молочных продуктув и алкоголя. Такый пуст ся держав у період Говіня.
Юдаїзм Йом кіпур, Тіша беʼав, говіня Естер, Ґедалії, 17. тамуза, 10. тевета, першорожденых сут прикладами говіня в юдаїзмови. Йом кіпур и Тіша беʼав ся держат 25 годин: челядник не їст и не пє нич (кромі другых ограничень) уд єдного заходу сонця до слідувучого. Говіня Естер, Ґедалії, 17. тамуза, 10. тевета вшыткі йдут уд сходу сонця до заходу. Говіня першорожденых не є біблійно мусайноє и завто може ся достроково завершовати у случайови сеудат міцвы.
Іслам В ісламі ся держит говіня кажджый рук — цілый місяць рамадан. Они не їдят и не пют уд сходу до заходу сонця. Говіти в рамадан мусай ушыткым мусулманам кромі дітий авадь тых, ко фізично не бирує.
Гіндуїзм и будгізм Говіня є частьов аскетичных традицій у гіндуїзмі и будгізмі. Магаянські традиції, котрі ся держат Брагмаджаласутры, мавут „шість днув говіня кажджый місяць и три місяці говіня кажджый рук“.Brahma's Net Sutra, minor precept 30
Багаізм Кажджый марець багаішты уд 15 до 70 рокув мусят держати 19-денноє говіня уд сходу до заходу сонця; уйимкы ся чинят про бетіжных и жун у тяжи.
Скапчані статі Пусноє їдіня Голодовка Дієта
Референції