І́гор Ге́рбут (вродж. 17 грудня/децембра 1990 р. в Лубіні) — лемківскій співак, композитор, творця слів співанок ай музычный продуцент.https://www.igor-herbut.pl Засновник ай ведучый ансамблю «LemON» (рус. зап. «ЛемОН»).

Вчасны рокы тай родина Гербут вродил ся 17 грудня/децембра 1990 рока в Лубіні в лемківскій родиніhttp://eprzemkow.internetdsl.pl/readarticle.php?article_id=755. Його мати є учытельком русиньского (лемківского) языка тай веде ансамбль народного танця. Його няньо тіж занимал ся мустецтвом — співал в лемківскым хорі, грал на ґітарі тай танцувалhttps://web.archive.org/web/20250516180055/https://biletyna.pl/blog/igor-herbut-biografia-zycie-i-tworczosc/. Ігор вырастал во Пшемкові, на Нижнім Шлезску, докаль з Лемковины выселены былы його дідове в рамках акциі «Вісла». Тото, подля співака, єст цікаве, мултікултурне місце, де спільні жыют Полякы, Лемкы, Украінці тай Циґаны.https://warszawa.naszemiasto.pl/igor-herbut-z-lemon-opowiada-o-swojej-malej-ojczyznie-i/ar/c13-2091934Його першым языком был русиньскый (лемківскій), котрым бесідувало ся в хыжы тай співало. Гербут брал участ в лемківскых ватрах ай праздниках. Польскый язык він познавал головні в передшколи, на дворі і з телевізиі. Музык приналежыт до православной церкви.

2006 рока закінчыл Основну Школу но. 1 во Пшемкові. 2009 рока закінчыл Ліцей но. 4 мена Богдана-Ігора Антонича в Ліґніці. 2010 рока начал вчыти ся в Зеленогірскім Університеті на напрямі Джез і Музыка Сценічна, котрого єст абсолвентом.

Во молодых роках, Ігор приналежал до музычных груп такых як «Мозаіка» (діючым во Пшемкові), «Ластівочка», «Кычера», хор «Благодар» ай «Дикы бджолы» (котрый спілосновал во своім ліцею).

Карьєра Ігор, разом зо своім двоюрідным братом, Адамом Горощаком, спонтанні взяли участ в кастінґу во Вроцлаві до едициі телевізийного, музычного замаганя «Must be The Music. Tylko muzyka» з 2012 рока тай были преняты до видовиска. Товды же мужчыны рішыли створити ансамбль «LemOn», з котрым выступлювали в замаганю. Мено бенду то получыня русиньского слова лем і анґлицкого слова оn. 13 мая 2012 рока група выграла конкурс, што придало ім славы. 27 падолиста/новембра 2012 рока вышол першый албум бенду «Lemon» (рус. зап. «Лемон»), што вказал ся великым хосном i продал ся в чыслі перешло 60 тисячів цедечок https://www.olis.pl/charts/oficjalna-lista-wyroznien. Во його складі находит ся співанка «Napraw» (рус. «Направ»), котра до гнескы лишат ся найзнанійшым твором групы. По тым успіху, Гербутові запропонували робити при музиці про фільм з 2013 рока «Wkręceni» (рус. «Вкручены»). В рамках того проєкту він створил співанку «Wkręceni — nie ufaj mi» (рус. «Вкручены — не вір ня»), котра до гнеска єст його найзнанійшым соловым твором. Слідуючы албумы LemOn то «Scarlett» (рус. зап. «Скарльет») з 24 падолиста/новембра 2014 рока (він продал ся в чыслі перешло 60 тисячів цедечок), «Etiuda zimowa» (рус. «Етюда зимова») з 13 падолиста/новембра 2015 рока (він продал ся в чыслі перешло 15 тисячів цедечок) тай «Tu» (рус. «Ту») з 24 марця 2017 рока (він продал ся в чыслі перешло 15 тисячів цедечок). 2020 рока артуста был оціняючым в телевізийным, музычным замаганю «The Four. Bitwa o sławę» (рус. «Чвірка. Битва о славу»), а в вересни/септембрі мал своє слуховлско в радию «RMF Classic» (рус. «РМФ Клясичне»). 17 квітня/апріля того самого рока вышол його першый соловый албум «Chrust» (рус. «Патыча»). Назва походит од інспірациіі сыном, вродженым рик раньше, в котрым музык достерігат тепло і оген. 7 марца 2022 рока він вєдно з польском артустком Sanah (рус. зап. «Санах») награли співанку «Mamo tyś płakała» (рус. «Мамо ты-с плакала»), з котрого хосен был переданый на поміч про дітячы жертвы російского нападу на Украіну. Того самого рока він стал ся менаджером польской співачкы Sara James (рус. зап. Сара Джеймс). 24 падолиста/новембра 2023 рока вышол пятый албум LemOn «Piatka» (рус. «Пятка»). Выданя другого, солового албуму Гербута «Żeremie» мат одбыти ся в жолтни/октобрі 2026 рока.

Стиль творіня Творы Ігора зрыхтуваны з LemOn оповідают, передовшыткым, о любови, як во співанках «Napraw», «Jutro» i «Scarlett». В соловых проєктах артиста старат ся замірювати на барже особисты справы як родина тай чутя.

Співак нераз споминал о своіх проблемах з депресийом, особливо на зачатку своєй карьєры, што мало влияня на його стиль. Так гварил за албум «Chrust» в бесіді з новинарком, Агафійом Млинарском (поль. Agata Młynarska):«Єм думал, же буде зо мном конец, єм ниґда о тым никому не бесідувал, але вшытко єст на моім албумі».https://www.youtube.com/watch?v=wsRyDc92K-E Він творит співанкы головні по-польскы тай лемківскы, але деколи тіж по-украіньскы і білорускы (прим. «A u świecie nam»). Артиста часто підкреслят свій міцный звязок зо походжыньом ай його влияня на його творчіст: «Моє походжыня єст чути не лем во словах моіх співанок, але тіж в музиці — во співі, котрый хосную, во способі выражыня емоций, в сесым, як хоснуєме [вєдно з LemOn] звучаня інструментів [...]».

Жытя особисте

2013 рока Ігор звязал ся з Маргаритом Дацко (поль. Małgorzata Dacko), з котром зышол ся принагідні робіт при фільмі «Wkręceni» (рус. «Вкручены»)https://www.eska.pl/news/igor-herbut-wiek-choroba-operacja-zona-utwory-wiara-23-12-aa-caox-GPeY-svRc.html. Жена без якісый час была тіж менаджерком бенду LemOn, а пак робила при телевізийній продукциі.

Пара мат єдну дітину — хлопця, котрого зовут Каі (), вродженого 17 липця/юлия 2019 рока. Подля співака народжыня сына цілком змінило його жытя, котре помогло му впорядкувати своі справы. Артуста посвятил му співанку «Jasny» (рус. «Ясный»).

Гербут старат ся хоронити своє родинне жытя ай не часто ділит ся інфорнациями о ним.

Жрідла