Fumanal ye un lugar aragonés en o municipio d'a Fueva, en a comarca de Sobrarbe y provincia de Uesca. Actualment se troba despoblau. ACÍN FANLO, José Luis. Paisajes con memoria; Viaje a los pueblos deshabitados del Alto Aragón (7ª Ed.). Ed. PRAMES; Zaragoza, 2006. «Pueblos abandonados» en a pachina oficial de l'achuntamiento d'a Fueva, consultada o 2 de noviembre de 2010.
Fumanal ye un lugar formau por cualques casas que se troban en a valleta d'un barranco insignificant, en as garras orientals d'a sierra de Muro de Roda, por alto d'a Usía y d'a fondonada de a Fueva. Os suyos habitants, cuan en i heba, van ostentar títol d'infanzonía, por o que se i pude trobar bellas casas nobles que se son a destacar. L'apellido Fumanal, frecuent en Sobrarbe y en belaltras comarcas de l'Alto Aragón, probablement va dimanar d'iste lugar.
En Fumanal existen dos casas nobles. A primer casa ye Casa Don Cosme, principal en a localidat, con privilechio d'infanzonía documentable dende a Baixa Edat Meya, que tiene en a frontera un blasón picau en piedra. A segunda casa tiene bellas estructuras defensivas, como aspilleras en a frontera, por a on que se i podeba tirar caso d'ataque. O molino de Fumanal feba servicio tamién a todas as pardinas de a baixant oriental d'a sierra de Muro, como Carrera (muit amanada de Fumanal) y o Pamporciello.
En chunto con Ministirio, Muro de Roda y o Lumo de Muro, mas bellas pardinas d'a redolada, va fer parte d'o municipio de Muro de Roda, desapareixido en a decada de 1960 «Muro de Roda» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada o 2 de noviembre de 2010 porque se va achuntar con belaltros en a Fueva.
Fiestas 17 de chinero, fiesta d'hibierno, fendo-le honras a Sant Antón. 24 d'agosto, Fiesta Mayor, fendo-le honras a Sant Bertolomeu. «Fiestas» en a pachina oficial de l'achuntamiento d'A Fueva, consultada o 2 de noviembre de 2010.
Referencias
Vinclos externos Páchina web sobre Fumanal En http://www.despobladosenhuesca.com/
Categoría:Lugars d'a Fueva Categoría:Despoblaus d'a provincia de Uesca Categoría:Localidaz d'Aragón con fiestas patronals ta sant Bertolomeu Categoría:Localidaz d'a diocesi de Balbastro-Monzón en Sobrarbe