Este articlo tracta sobre Ferrera de Uellos Negros, aldeya de la Comunidat de Daroca de l'actual termin de Uellos Negros. Pa atros usos de lo toponimo Ferrera, veyer Ferrera (desambigación).
Ferrera de Uellos Negros (en castellano Ferrera de Ojos Negros) estió una aldeya de la Comunidat de Daroca situata en lo termin de Uellos Negros y que pertenexió a la seixma d'el río Xiloca.
Toponimia Lo toponimo con fonetica aragonesa Ferrera de Uellos Negros se conoix por "Rationes decimarum Hispaniae (1279-80): Aragón y Navarra":
Tamién se conoixe la variant documental Ferrata de Huellos Negros.
Manimenos en los textos medievals cuasi siempre se troba escrito castellanizato como Ferrera de Oios Negros, Ferrera de Ojos Negros.
Historia Las saleras de Ferrera de Uellos Negros tenioron importancia en la Edat Meya y plegoron a estar propiedat reyal. L'aldeya de Ferrera de Uellos Negros fue destruita en 1356, a lo principio de la Guerra de los dos Peros. En l'anyo 1357 fue agregata a Uellos Negros. En l'anyo 1401 lo gubernador d'Aragón y procurador de Chuan Ferrández d'Heredia Chil Roiz de Lihori vendió Mierla y las saleras de Ferrera de Uellos Negros a la Comunidat de Daroca.
Bibliografía Revista Teruel
Categoría:Lugars desapareixius de Uellos Negros Categoría:Despoblaus medievals d'a provincia de Teruel