O felce común u feleguera común (), tamién dita barlenda, ye una especie felce d'o chenero Polypodium y d'a familia Polypodiaceae d'ampla distribución en America d'o Norte, Europa, Africa y Asia.
Caracteristicas Ista especie tien un rizoma arrocegant prou grueso que s'estendilla sobre as rocas y os troncos d'os árbols, amás de creixer en tierra. As frondas, perennes y d'uns 30 cm de largaria, naixen en peciolos ixarmentosos de largaria parellana. As pinnas (foliolos) son a vegadas dentadas y pueden tornar-se tofalludas. Os soros (grupos d'esporanchios) arredondiaus, a vegadas con pels glandulars, disposaus en dos fileras a os costaus d'o niérvol central de cada segmento foliar, de color naranchau que dimpués remata en marrón. Madura de verano.
Habitat Habita en zonas rocosas y pacins, selvas, muros, preferindo os puestos ricos en materia organica y acidos.
Usos Tradicionalment, a barlenda s'ha emplegau en bronquitis, asma, problemas de figado y restrenyimiento. Actualment, i hai millors opcions encara adintro d'a fitoterapia pa toz istos problemas.
Referencias
Bibliografia Penas A. et alii. (1991): Plantas Silvestres de Castilla y León, Valladolit, Ámbito, .
Vulgare Categoría:Flora d'os Pireneus Categoría:Flora d'Africa Categoría:Flora d'America Categoría:Flora d'Asia Categoría:Flora d'Europa