Robin Li Yanhong (; Yangquan, Shanxi, 17 de payares de 1968) ye un inxenieru informáticu y empresariu chinu, cofundador, presidente y direutor executivu de Baidu, una de les principales empreses tecnolóxiques de China.«Robin Li», Baidu Inc.
Estudió xestión de la información na Universidá de Pequín y completó un máster n'informática na Universidá Estatal de Nueva York en Buffalo. Nos años 1990 trabayó n'Estaos Xuníos nel sector de los sistemes d'información y los motores de busca, incluyendo puestos en IDD Information Services ya Infoseek. Desenvolvió tamién un sistema d'análisis d'hiperenllaces aplicáu a la clasificación de páxines web.
En xineru de 2000 fundó Baidu en Pequín xunto con Eric Xu. Li foi presidente de la compañía dende la so creación y ocupa'l cargu de direutor executivu dende 2004. Baidu convirtióse nel principal motor de busca del mercáu chinu y amplió posteriormente les sos actividaes a campos como la computación na nube, los vehículos autónomos y la intelixencia artificial.
Como responsable de Baidu, Li impulsó la inversión de la compañía n'aprendizaxe fonda, procesamientu del llinguaxe natural y modelos xenerativos. La compañía desarrolló, ente otros productos, la familia de modelos de llinguaxe ERNIE.
Referencies
Enllaces esternos
Categoría:Nacíos en 1968 Categoría:Empresarios de China Categoría:Informáticos de China Categoría:Persones rellacionaes cola intelixencia artificial Categoría:Alumnáu de la Universidá de Pequín