César Guillén Lafuerza (1898-?) Militar español y gobernador civil que tuvo un papel destacáu na historia d'Uviéu durante los primeros años de la posguerra.
Biografìa Formóse na Academia d'Infantería de Toledo ente 1915 y 1918 y desarrolló la so carrera nel ámbitu militar. En 1935 yera capitán del Cuerpu de Carabineros, y en 1938 foi declaráu aptu pa l'ascensu. La documentación oficial tamién recueye distintos destinos y ascensos dientro de la so carrera militar.
En 1941 foi nomáu gobernador civil de la provincia d'Uviéu por decretu del 18 d'ochobre, tomando parte na alministración provincial durante los años de la dictadura franquista. Exerció esti cargu hasta marzu de 1945, cuando cesó como gobernador civil d'Uviéu.
Una de les actuaciones pola que más se-y recuerda na ciudá d'Uviéu ye la promoción de la Colonia Guillén Lafuerza, un conxuntu de viviendes construyíu na falda meridional de la loma de Ventanielles. Les primeres 99 viviendes empezaron a construyise en 1943, cola participación de la Obra Sindical del Hogar, y taben destinaes principalmente a families de clase trabayadora. La colonia foi inaugurada en 1945 y col tiempu pasó a conocese popularmente como El Rancho.
El so nome quedó amás venceyáu al urbanismu d'Uviéu. En 1945 l'Ayuntamientu acordó denominar calle César Guillén Lafuerza al antiguu Camín de Rubín, que daba accesu a la colonia. Anque esi nome dexó de figurar posteriormente nel nomenclátor oficial, el barriu siguió siendo conocíu como Guillén Lafuerza.
La so trayectoria tamién recibió reconocencies oficiales. En 1945 concedióse-y la Gran Cruz de la Orde del Méritu Civil, xunto con otros cargos de la época.
Referencies Los barrios del Este de Oviedo Barrio guillèn Lafuerza El Tesoro de Oviedo
Categoría:Militares d'España