Gamma Pyxidis (γ Pyx / HD 75691 / HR 3518)Gam Pyx - Star (SIMBAD) ye una estrella asitiada na constelación de la Brúxula. De magnitú aparente +4,03, ye la tercer estrella más brillosa de la constelación dempués de α Pyxidis y β Pyxidis.
Asitiada a 209 años lluz del Sistema Solar, Gamma Pyxidis ye una xigante naranxa de tipu espectral K3III, comparable a ρ Bootis, α Scuti o α Tucanae. Nun esiste consensu tocantes a la so temperatura efectivo; dos estudios distintos envaloren esti parámetru en 4450 y 4270 K. Unes 200 vegaes más lluminosa que'l Sol, xira amodo sobre sigo mesma; la velocidá de rotación midida (vsini) ye de namái 2,2 km/s, anque esti valor ye namái una llende inferior.
Gamma Pyxidis tien un radiu 22 vegaes más grande que'l radiu solar, cifra llograda a partir de la midida la so diámetru angular correxida pol escurecimientu de llimbu, 3,17 ± 0,04 milisegundos d'arcu. La so metalicidá —bayura relativa d'elementos más pesaos que'l heliu— ye daqué menor que la solar ([Fe/H] = -0,05).
Referencies
Categoría:Estrelles Categoría:Xigantes naranxes Categoría:Constelación de Pyxis