Gamma Scuti (γ Sct)Gamma Scuti (SIMBAD) ye una estrella na constelación de Scutum. Ye la cuarta más brillosa de la mesma, dempués de α Scuti, β Scuti y ζ Scuti, siendo la so magnitú aparente +4,69.
Gamma Scuti ye una subxigante blanca de tipu espectral A1IV que la so temperatura superficial envalorada ye de 9400 K. Ye 113 vegaes más lluminosa que'l Sol y el so radiu ye 4 vegaes más grande que'l radiu solar. Xira sobre sigo mesma a gran velocidá —la so velocidá de rotación ye de siquier 223 km/s—, completando un xiru en menos d'un día. Ello provoca la distorsión de la estrella, teniendo ésta forma elipsoidal, según la variación de la temperatura a lo llargo de la superficie estelar —vease escurecimientu gravitatoriu—. La so masa, envalorada a partir de la teoría d'estructura y evolución estelar, ye de 2,7 - 2,8 mases solares. Tien una edá de 450 millones d'años y acaba de rematar, o ta a puntu de faelo, la fusión del hidróxenu del so nucleu.Gamma Scuti (Stars, Jim Kaler)
Gamma Scuti atopa a 319 ± 8 años lluz del Sistema Solar. Avérase direutamente a nós a una velocidá de 41 km/s, polo que dientro de 2,1 millones d'años va pasar a namái 14 años lluz del Sistema Solar. Entós va tener magnitú -2,1, siendo probablemente la estrella más brillosa del firmamentu nocherniegu.
Referencies
Categoría:Estrelles Categoría:Subxigantes Categoría:Constelación de Scutum