Астро́ўшчынскі сельсавет — адміністрацыйна-тэрытарыяльная адзінка ў складзе Полацкага раёна Віцебскай вобласці Беларусі. Адміністрацыйны цэнтр — аграгарадок (да 2008 года вёска) Астроўшчына.
Гісторыя Утвораны 20 жніўня 1924 года ў складзе Ветрынскага раёна Полацкай акругі БССР. Цэнтр — вёска Астроўшчына. Пасля скасавання акруговай сістэмы 26 ліпеня 1930 года ў Ветрынскім раёне БССР. З 8 ліпеня 1931 года ў складзе Полацкага раёна БССР, з 12 лютага 1935 года — у складзе адноўленага Ветрынскага раёна БССР, з 21 чэрвеня 1935 года — Полацкай акругі, з 20 лютага 1938 года — Віцебскай вобласці. Перад вайной цэнтр сельсавета перанесены ў вёску Палюдавічы. З 20 верасня 1944 года сельсавет у Ветрынскім раёне Полацкай вобласці, з 8 студзеня 1954 года — Віцебскай вобласці. 16 ліпеня 1954 года цэнтр сельсавета перанесены ў вёску Астроўшчына. З 20 студзеня 1960 года сельсавет у складзе Полацкага раёна. 3 ліпеня 1970 года ў склад Руднянскага сельсавета перададзены 5 населеных пунктаў (вёскі Бяздзедавічы, Забалоцце, Паметнікі, Ражаншчына і Сенькава)Рашэнне выканкома Віцебскага абласнога Савета дэпутатаў працоўных ад 3 ліпеня 1970 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1970, № 21 (1287).. На 1 студзеня 1974 года ў складзе Астроўшчынскага сельсавета 15 населеных пунктаў. 8 красавіка 2004 года да сельсавета далучана тэрыторыя скасаванага Шпакоўшчынскага сельсавета (12 населеных пунктаў: вёскі Верхнія Марозы, Гамоўшчына, Карсюкі, Касарэва, Лужайкі, Нача-Шпакоўшчына, Ніжнія Марозы, Радкоўшчына, Сарокі, Сіпоўшчына, Чарнаручча і Шпакоўшчына).
Насельніцтва Насельніцтва сельсавета паводле перапісу 2009 года — 1092 чалавекі, з іх 88,2 % — беларусы, 8,7 % — рускія, 0,8 % — украінцыЭтнічны склад насельніцтва сельсаветаў Беларусі паводле перапісу 2009 года; паводле перапісу 2019 года — 790 чалавек.
Населеныя пункты Астроўшчынскі сельсавет уключае 25 населеных пунктаў: Астроўшчына Аўдзеева Бяздзедавічы 2 Венцавое Верхнія Марозы Гамоўшчына Жаўнова Завалынка Карсюкі Касарэва Ліцвінава Лужайкі Мышчана Нача-Шпакоўшчына Ніжнія Марозы Палюдавічы Паншэвічы Пятроўцы Радкоўшчына Рубанава Сарокі Сіпоўшчына Субаўшчына Чарнаручча Шпакоўшчына
Крыніцы
Літаратура Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987. Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.
Катэгорыя:Былыя сельсаветы Ветрынскага раёна Катэгорыя:Сельсаветы Беларусі, утвораныя ў 1924 годзе