«Практычны расійска-беларускі слоўнік» — адзін з першых аб’ёмных двухмоўных слоўнікаў 1920-х гг., складзены М. Байковым і М. Гарэцкім. Выдадзены ў 1924 годзе ў Менску ў Белтрэстдруку, другое выданне, дапрацаванае выдадзена ў 1926 годзе ў Дзяржаўным выдавецтве Беларусі. Змяшчае каля 20 тысяч слоўнікавых артыкулаў. Ён змяшчае агульнаўжывальную лексіку, а таксама асобныя тэрміны, пазначаныя спецыяльнымі паметамі. Першае і другое выданні слоўніка істотна адрозніваюцца, што сведчыць як пра навуковую эвалюцыю аўтараў, так і пра станаўленне метадалогіі лексікаграфічнага апісанняДзмітрый Дзятко. ПЕРЫЯДЫЗАЦЫЯ ГІСТОРЫІ БЕЛАРУСКАЙ ЛЕКСІКАГРАФІІ XIII — ПАЧАТАК XX СТ. Працяг. Пачатак у № 3, 4 // «Роднае слова» № 6, 2017 .
Калі ў 1926 г. выйшла з друку другое выданне слоўніка, у ім, на адрозненне ад першага выдання 1924 г., было адлюстравана пашырэнне акання на ўсе запазычаныя словы, ігнаруючы правіла ў версіі Б. Тарашкевіча, згодна з якім галосны о ў запазычаных словах у значнай меры не павінен быў падпарадкоўвацца заканамернасцям беларускай мовы.
Спасылаючыся на гэтую акалічнасць, у пачатку 1926 г. рэдакцыя часопіса «Асвета» ў спецыяльнай заяве абвясціла, што ў сваёй практыцы яна адмаўляецца праводзіць размежаванне запазычаных слоў на абеларушаныя і неабеларушаныя і любы ненаціскны о ў запазычаных словах будзе перадаваць праз а.
Спасылкі «Практычны расійска-беларускі слоўнік». Першае выданне. 1924. Прэзідэнцкая бібліятэка імя Б. М. Ельцына
Катэгорыя:Слоўнікі беларускай мовы Катэгорыя:Кнігі 1924 года Катэгорыя:Кнігі 1926 года Катэгорыя:Перакладныя слоўнікі Катэгорыя:Мікола Байкоў Катэгорыя:Максім Гарэцкі