Анатоль Мікалаевіч Дулаў (нар. , Віцебск) — беларускі гісторык, кандыдат гістарычных навук (2006), дацэнт (2010). Загадчык кафедры гісторыі і культурнай спадчыны Віцебскага дзяржаўнага ўніверсітэта імя П. М. Машэрава.

Біяграфія Нарадзіўся 27 студзеня 1978 года ў Віцебску.

У 2000 годзе скончыў Віцебскі дзяржаўны ўніверсітэт імя П. М. Машэрава па спецыяльнасці «Беларуская мова і літаратура і гісторыя» з кваліфікацыяй настаўніка беларускай мовы і літаратуры і гісторыі. З таго ж года пачаў выкладчыцкую дзейнасць на кафедры гісторыі Беларусі ВДУ імя П. М. Машэрава, прайшоўшы шлях ад выкладчыка да дацэнта. У 2003 годзе скончыў аспірантуру па спецыяльнасці «Айчынная гісторыя».

У 2006 годзе яму была прысвоена вучоная ступень кандыдата гістарычных навук, а ў 2010 годзе — вучонае званне дацэнта.

З 2012 года займаў пасаду загадчыка кафедры гісторыі Беларусі гістарычнага факультэта. У 2014 годзе прайшоў перападрыхтоўку ў Рэспубліканскім інстытуце вышэйшай школы па спецыяльнасці «Менеджмент устаноў прафесійнай адукацыі», атрымаўшы кваліфікацыю менеджара ў сферы адукацыі. У 2018 годзе атрымаў кваліфікацыю юрыста пасля перападрыхтоўкі ў Інстытуце павышэння кваліфікацыі і перападрыхтоўкі кадраў ВДУ імя П. М. Машэрава.

З 2020 года з’яўляецца загадчыкам кафедры гісторыі і культурнай спадчыны факультэта гуманітарыстыкі і моўных камунікацый ВДУ імя П. М. Машэрава.

З’яўляецца членам Каардынацыйнага савета пры Міністэрстве адукацыі Рэспублікі Беларусь па развіцці гістарычнай навукі і гістарычнай адукацыі, а таксама членам Рэспубліканскага навукова-метадычнага савета па гістарычных навуках і тэалогіі. Узначальвае Віцебскую абласную камісію па рэалізацыі гістарычнай палітыкі і абласны савет па пытаннях гісторыка-культурнай спадчыны.

Навуковая дзейнасць Сфера навуковых інтарэсаў уключае гісторыю жанчын і гендарную гісторыю Беларусі, сацыяльную гісторыю, гісторыю Віцебшчыны, крыніцазнаўства і гістарыяграфія гісторыі Беларусі.

З’яўляецца арганізатарам міжнароднай навукова-практычнай канферэнцыі «Актуальныя праблемы крыніцазнаўства», якая праводзіцца з 2011 года. Уваходзіць у склад рэдакцыйнай калегіі зборніка навуковых прац «Вучоныя запіскі УА "ВДУ імя П. М. Машэрава"» і электроннага навуковага часопіса «Метамарфозы гісторыі».

Актыўна займаецца папулярызацыяй гісторыі: з 2016 года з’яўляецца арганізатарам і лектарам курсаў «Віцебск: гісторыя рэальная і папулярная», а з 2018 года — іх тэлеверсіі на тэлеканале «Віцебск».

Узнагароды Дыплом Міністэрства адукацыі Рэспублікі Беларусь (2010). Ганаровая грамата аддзела адукацыі адміністрацыі Першамайскага раёна г. Віцебска (2010). Дыплом за перамогу ў конкурсе на лепшыя навукова-даследчыя работы маладых вучоных ВДУ імя П. М. Машэрава ў намінацыі «Лепшая манаграфія» (2012). Грамата Міністэрства адукацыі Рэспублікі Беларусь (2014). Падзяка Інстытута гісторыі Нацыянальнай акадэміі навук Беларусі (2015). Ганаровая грамата ВДУ імя П. М. Машэрава (2015). Падзяка кафедры крыніцазнаўства гістарычнага факультэта БДУ (2017). Спецыяльны прыз універсітэта «Docendo Discimus» у намінацыі «Лепшы выкладчык ВДУ — 2017». Падзяка Аддзялення гуманітарных навук і мастацтваў Нацыянальнай акадэміі навук Беларусі (2018). Ганаровая грамата Віцебскага гарадскога выканаўчага камітэта (2020). Грамата Інстытута гісторыі НАН Беларусі (2021, 2025). Падзяка Нацыянальнага архіва Рэспублікі Беларусь (2022). Грамата Віцебскай абласной арганізацыйнай структуры РДГА «Беларускае таварыства "Веды"» (2022).

Крыніцы

Спасылкі Профіль на сайце ВДУ імя П. М. Машэрава

Катэгорыя:Нарадзіліся 27 студзеня Катэгорыя:Нарадзіліся ў 1978 годзе Катэгорыя:Нарадзіліся ў Віцебску Катэгорыя:Гісторыкі Беларусі Катэгорыя:Кандыдаты гістарычных навук Катэгорыя:Выкладчыкі Віцебскага дзяржаўнага ўніверсітэта імя П. М. Машэрава Катэгорыя:Выпускнікі Віцебскага дзяржаўнага ўніверсітэта імя П. М. Машэрава