Каціна Паксіну (, , — ) — грэчаская актрыса. Лаўрэат прэміі «Оскар» (1944) за найлепшую жаночую ролю другога плана — другая актрыса ў гісторыі сусветнага кінематографа, якая атрымала гэтую ўзнагароду за дэбютную ролю другога плана.
Біяграфія Каціна, народжаная Кацярыні Канстандапулу нарадзілася ў горадзе Пірэі ў Грэцыі. Спачатку вучылася ў Жэнеўскай кансерваторыі, затым працягнула вучобу ў Берліне і Вене. Кар’еру пачала ў якасці опернай спявачкі, але ў 1929 годзе вырашыла стаць актрысай і ўступіла ў трупу «Нацыянальнага грэчаскага тэатра». Падчас яе лонданскіх гастроляў пачалася Другая сусветная вайна і Паксіну вырашыла не вяртацца ў Грэцыю, а іміграваць у ЗША, дзе стартавала яе кінакар’ера.
Першым фільмам з яе ўдзелам стаў «Па кім звоніць звон» у 1943 годзе, за ролю Пілар у якім актрыса была ўдастоена прэмій «Оскар» і «Залаты глобус». На працягу наступных гадоў, аж да 1949 гады, Каціна Паксіну працягвала рэгулярна здымацца ў галівудскіх фільмах. У 1947 годзе яна сыграла мадам дэ ла Стрэльба ў брытанскім фільме «Дзядзька Сілас», дзе разам з ёй здымалася Джын Сіманс. Пасля 1949 года актрыса толькі раз знялася ў Галівудзе, згуляўшы ў 1959 годзе цыганку ў рэлігійнай эпапеі «Цуд». Яна некалькі разоў з’явілася на Брадвеі, у тым ліку ў п’есе «Дом Бернарды Альбы» ў 1951 годзе, дзе ў яе была галоўная роля.
У 1950-я гады Каціна Паксіну вярнулася ў Грэцыю, дзе працягнула сваю тэатральную кар’еру. Разам з мужам, рэжысёрам Алексісам Менатысам, яна стала заснавальніцай «Каралеўскага тэатра Афін». У наступныя гады яна ў асноўным гуляла ў тэатры і толькі зрэдку з’яўлялася ў невялікіх ролях у кіно і на тэлебачанні. Яе прапаноўвалі на ролю Розы Клеб у фільме пра Джэймса Бонда «З Расіі з любоўю».
Каціна Паксіна памерла ад раку 22 лютага 1973 года ў Афінах ва ўзросце 72 гадоў. Была замужам за Алексісам Міноцісам.
Фільмаграфія 1943 — Па кім звоніць звон
Катэгорыя:Актрысы ЗША