Сяргей Іосіфавіч Параджанаў (Саркіс Параджанян) (; , 9 студзеня 1924, , Грузінская ССР, СССР — 21 ліпеня 1990, , Армянская ССР, СССР) — армянскі , . Народны артыст Украінскай ССР (1990), народны артыст Армянскай ССР (1990).
Біяграфія Нарадзіўся 9 студзеня 1924 года ў Тбілісі (Грузінская ССР).
Вучыўся на вакальным аддзяленні Тбіліскай кансерваторыі, у Тбіліскім інстытуце інжынераў транспарту. Скончыў рэжысёрскі факультэт Усесаюзнага інстытута кінематаграфіі (1952). У 1949 годзе пераехаў у Кіеў, дзе пачаў працаваць асістэнтам рэжысёра, потым рэжысёрам кінастудыі імя А. Даўжэнкі. У 1961 годзе зняў фільм «Украінская рапсодыя». Творы Параджанава вызначаюцца яркасцю і экспрэсіўнасцю рэжысёрскага бачання, багаццем выяўленчай фантазіі, метафарычнасцю, сімвалічнасцю, узвышанай паэтычнасцю, жывапіснасцю, свабодным выкарыстаннем розных нацыянальна-этнічных традыцый («Цені забытых продкаў», 1965; «Колер граната», 1969; «Легенда пра Сурамскую крэпасць», 1984; «Ашык-Керыб», 1988). Яго фільмы неаднаразова атрымлівалі ўзнагароды на прэстыжных міжнародных кінафестывалях. Творчасць Параджанава прызнана адной з вяршынь бессюжэтнага паэтычнага кінематографа, дзе акцёр (разам з касцюмам, дэкарацыямі і рэквізітам) з’яўляецца канструктыўным элементам складанага аўдыявізульнага калажа.
Памёр 21 ліпеня 1990 года ў Ерэване (Армянская ССР). Пасля смерці створаны Дом-музей Сяргея Параджанава.
Літаратура
Культуралогія: Энцыклапедычны даведнік. Мінск: Беларуская Энцыклапедыя, 2003. ISBN 985-11-0277-6
Спасылкі Parajanov.com Сяргей Параджанаў
Катэгорыя:Народныя артысты Украінскай ССР Катэгорыя:Народныя артысты Армянскай ССР Катэгорыя:Лаўрэаты Нацыянальнай прэміі Украіны імя Тараса Шаўчэнкі Катэгорыя:Дысідэнты Украіны Катэгорыя:Пахаваныя ў пантэоне Камітаса Катэгорыя:Асуджаныя за педэрастыю Катэгорыя:Памерлі ад раку лёгкага Катэгорыя:Бісексуальныя мужчыны