Зборная Люксембурга па футболе (, , ) — нацыянальная футбольная каманда прадстаўляе Люксембург на міжнароднай футбольнай арэне. Кіруючым органам зборнай выступае Федэрацыя футбола Люксембурга. Каманда гістарычна з’яўляецца адным з аўтсайдараў еўрапейскага футбола.
Адборы на чэмпіянаты свету і чэмпіянаты Еўропы Пачынаючы з 1934 года, усе спробы прабіцца ў фінальную частку чэмпіянату свету заканчваюцца няўдала. Адносны росквіт зборнай прыйшоўся на першую палову 60-х гадоў XX стагоддзя. Тады, дзякуючы футбалістам Луісу Піло, Адзі Шміту і Каміла Дзімеру, якія выступалі ў клубах чэмпіянатаў Бельгіі і Францыі, каманда здолела сенсацыйна абгуляць з лікам 4:2 зборную Партугаліі, пабудаваную на базе лісабонскай «Бенфікі», новаспечанага пераможцы Кубка чэмпіёнаў, у адборачнай групе чэмпіянату свету 1962 года. Таксама гэты матч стаў дэбютным у зборнай для пірынейскай зоркі Эўзеб’ю.
У розыгрышы чэмпіянату Еўропы 1964 года, абыграўшы ў 1/8 фіналу зборную Нідэрландаў (1:1, 2:1), у 1/4 фіналу люксембуржцы саступілі 0:1 у дадатковым матчы зборнай Даніі пасля двух нічыйных матчаў (3:3 і 2:2).
Удзел у Алімпійскіх гульнях Нягледзячы на няўдачы, зборная Люксембурга прымала ўдзел у футбольных турнірах з Алімпійскіх гульняў 1924 па 1952 гады, прычым на апошнім яна сенсацыйна выбіла з турніру зборную Вялікабрытаніі з лікам 5:3. У наступным турніры яна ва ўпартай барацьбе саступіла з лікам 1:2 бразільцам.
Спасылкі Зборная Люксембурга на сайце ФІФА