Касцёл Святога Мікалая — каталіцкі храм у в. Княжыцы Магілёўскага раёна. Помнік архітэктуры ў стылі віленскага барока. Мураваны касцёл пабудаваны паміж у 1750—1791 гады і першапачаткова асвечаны ў гонар св. Антонія Падуанскага.
Уваходзіць у Спіс гісторыка-культурнай спадчыны Беларусі пад шыфрам 512Г000493, другая катэгорыя.
Гісторыя
У 1681 годзе тагачасны ўласнік Княжыцаў харунжы надворны літоўскі Канстанцін Уладзіслаў Пац заснаваў у паселішчы драўляны кляштар дамініканцаў ды перадаў манахам 18 тысяч злотых. Дзякуючы шчодрым ахвяраванням пераемнікаў (Крыштоф Канстанцін Пац выдаткаваў 15 тыс. злотых у 1724 годзе, Антоні Міхал Пац — 2 тыс. у 1750 годзеРэлігійнае жыццё ў краі (Магілёўскі раён) // Сайт Магілёўскае абласное бібліятэкі. Дата доступу: 15 мая 2010, Андрэй і Соф’я Крукоўскія — таксама 2 тысячы) у 1750 годзе пачалося будаўніцтва мураванага касцёла.
У 1780 годзе ў гонар Святога Антонія Падуанскага будынак асвяціў магілёўскі епіскап Станіслаў Богуш-СестранцэвічКняжыцы-Галоўчын-Тубышкі-Круглае-Друцк — фотарэпартаж з вандроўкі. Частка 1 // Таварыства беларускай мовы імя Францішка Скарыны ў Магілёве. Дата доступу: 15 мая 2010.
Пасля супроцьрасійскага паўстання кляштар закрылі ў 1832 годзе, а касцёл — у 1863 годзе падчас паўстання Кастуся Каліноўскага. У 1865 годзе ранейшы каталіцкі касцёл ператварыўся ў праваслаўную царкву Аляксандра Неўскага. Над храмам быў надбудаваны псеўдакупал і тры «цыбулепадобныя» купалы над галоўным фасадам. Царква Аляксандра Неўскага дзейнічала да 1965 года.
Сучасны стан Знаходзіцца ў занядбаным стане. Дах паўразбураны. Магчыма вольна пранікнуць усярэдзіну храма, а таксама ў лёхі.
Літаратура Габрусь Т. В. Мураваныя харалы: Сакральная архітэктура беларускага барока / Т. В. Габрусь. Мн.: Ураджай, 2001.— 287 с.: іл. ISBN 985-04-0499-X, с. 232—234.
Спасылкі
Здымкі на Radzima.org
Катэгорыя:Касцёлы Магілёўскага раёна Катэгорыя:Збудаванні Беларусі ў стылі віленскага барока Катэгорыя:Княжыцы (Магілёўскі раён) Катэгорыя:1681 год у Еўропе Катэгорыя:1780 год у Беларусі Катэгорыя:Касцёлы Мінска-Магілёўскай архідыяцэзіі