Трамплі́н — спартыўны снарад (прылада), спартыўнае збудаванне для правядзення спаборніцтваў і трэніровак, што забяспечвае павелічэнне адлегласці палёту спартсмена ў момант скачка.
Адрозніваюць трампліны для гімнастычных скачкоў, скачкоў на лыжах, скачкоў у ваду, на водных лыжах, у фрыстайле і іншыя.
Існуе трохступеньчаты трамплін (снарад для наземнага навучання і трэніроўкі парашутыстаў, які дае магчымасць выпрацоўваць уменне прызямлення) і карабельны трамплін (выкарыстоўваецца пры ўзлёце самалётаў з кароткім разбегам).
У пераносным сэнсе трамплін — апора, зыходны пункт для якіх-небудзь дзеянняў.
Скачкі на лыжах з трампліна
У дысцыпліне «Скачкі на лыжах з трампліна» сучасны трамплін уяўляе сабой складаны інжынерны комплекс, разлічаны на прагляд скачкоў вялікай колькасцю гледачоў. Напрыклад, трыбуны трампліна ў Вілінгене (Германія) месцяць 38 000 гледачоў.
Крыніцы
Гл. таксама Палёты на лыжах Цэнтр алімпійскай падрыхтоўкі Раўбічы
Літаратура
Спасылкі