Пётр Самсонавіч Касовіч (, , Магілёўская вобласць – ) — расійскі аграхімік, глебазнавец і фізіёлаг раслін, сапраўдны стацкі саветнік, прафесар, старшыня Таварыства дапамогі бедным вучням Імператарскага ляснога інстытута.
Біяграфія Скончыў Маскоўскі ўніверсітэт (1887) і Пятроўскую земляробчую і лясную акадэмію (1889). У 1891—1894 гг. працаваў у Маскоўскім універсітэце, з 1902 г. прафесар кафедры глебазнаўства Пецярбургскага ляснога інстытута. З 1895 г. узначальваў Бюро па земляробству і глебазнаўству навуковага камітэта Міністэрства земляробства. У 1897 г. арганізаваў сельскагаспадарчую хімічную лабараторыю для вывучэння аграхімічных уласцівасцей глеб Расіі. У 1900 г. заснаваў “Журнал опытной агрономии” і дзесяць год рэдагаваў яго, зрабіўшы трыбунай агранамічнай навукі. У 1905—1907 гг і ў 1909—1911 гг. выконваў абавязкі абранага дырэктара Імператарскага ляснога інстытута. Ставіў палявыя вопыты па вывучэнні вапнавання глеб. Даказаў, што свабодны азот бабовыя расліны засвойваюць толькі праз карані, на якіх ёсць спецыяльныя клубеньчыкі (1889—1891); вызначыў растваральную ролю фізіялагічна кіслых аміячных угнаенняў, якія ўносяцца разам з фасфарытам. Першым у Расіі даследаваў кругаварот серы і хлору ў прыродзе (1913).
Асноўныя публікацыі Основы учения о почве. – СПб, 1911. Краткий курс общего почвоведения. – СПб, 1916.
Літаратура Касовіч Пётр Самсонавіч // Беларуская энцыклапедыя : у 18 т. — Мн., 1999. — Т. 8. — С. 150—151. Касовіч Пётр Самсонавіч // Асветнікі зямлі беларускай (X-пач.XX ст.) : энцыклапедычны даведнік. — Мн., 2006. — С. 216. Касовіч Пётр Самсонавіч // Нікалаеў, М. Беларускі Пецярбург / Мікола Нікалаеў. — Санкт-Пецярбург, 2009. — С. 212.
Спасылкі
Катэгорыя:Глебазнаўцы