Ве́рбнае, Вербна — возера ў Бешанковіцкім раёне Віцебскай вобласці Беларусі, за 23 км на паўночны захад ад гарадскога пасёлка Бешанковічы, за 4 км на паўднёвы захад ад гарадскога пасёлка Ула, за 0,7 км у напрамку на захад ад вёскі Фролкавічы, у басейне ракі Ула.
Плошча паверхні 0,14 км². Даўжыня 0,5 км, найбольшая шырыня 0,35 км. Найбольшая глыбіня 12 м, сярэдняя 7 м. Даўжыня берагавой лініі 1,4 км. Плошча вадазбору 7,5 км².
Размешчана сярод лясных масіваў. Схілы катлавіны вышынёй да 8 м. Зарастае. На поўдні ўпадае ручай, на поўначы выцякае ручай у раку Ула. Уваходзіць у зону адпачынку Ула.
Літаратура
Ліст карты N-35-35. Выданне 1991 г. Стан мясцовасці на 1987 г.
Спасылкі Агульная характарыстыка азёр Віцебскай вобласці / Даведнік «Водныя аб’екты Рэспублікі Беларусь» Морфаметрычныя параметры азёр Віцебскай вобласці / Даведнік «Водныя аб’екты Рэспублікі Беларусь»
Катэгорыя:Азёры Віцебскай вобласці Катэгорыя:Азёры Бешанковіцкага раёна