Eulipotyphla («сапраўды тлустыя і сляпыя») — атрад млекакормячых, які быў створаны на падставе малекулярных метадаў філагенетычнай рэканструкцыі і ўключае лаўразіятэрый поліфілетычнага атрада Lipotyphla (ад якога цяпер адмовіліся з прычыны навуковай неактуальнасці), але не афратэрый, для якіх створаны іх уласны атрад Afrosoricida. Атрад Lipotyphla, у сваю чаргу, быў створаны шляхам выдалення некаторых груп з колішняга смеццевага таксона Insectivora.
Такім чынам, Eulipotyphla ўключае ў сябе сапраўдных вожыкаў і гімнур (сямейства Erinaceidae, раней вядомае як атрад Erinaceomorpha), шчыліназубаў (сямейства Solenodontidae), дэсманаў, кратоў, землярыйкавых кратоў (сямейства Talpidae) і сапраўдных землярыек (сямейства Soricidae). Сапраўдныя землярыйкі, талпіды і шчыліназубы раней былі аб’яднаныя ў кладу Soricomorpha, але гэта клада была прызнана парафілетычнай з тых часоў, калі было высветлена, што Soricidae і Erinaceidae з’яўляюцца сястрынскімі групамі.
Класіфікацыя АТРАД EULIPOTYPHLA (= Lipotyphla — Afrosoricida = Erinaceomorpha + Soricomorpha): Сямейства Erinaceidae: Падсямейства Erinaceinae: сапраўдныя вожыкі; Падсямейства Hylomyinae: гімнуры; Сямейства Soricidae: Падсямейства Crocidurinae: белазубкавыя; Падсямейства Soricinae: буразубкавыя; Падсямейства Myosoricinae: афрыканскія белазубкавыя; Сямейства Talpidae: Падсямейства Desmaninae: дэсманы; Падсямейства Talpinae: краты; Падсямейства Uropsilinae: урапсілы; Сямейства Solenodontidae: шчыліназубы; Сямейства Nesophontidae: незафонты. Кладаграма на ўзроўні сямействаў, якія дажылі да нашых часоў:
Катэгорыя:Атрады млекакормячых