Carlos Álvarez-Rovés Pérez-Santamarina, tamén chamado Carlos Robés, nado en 1816 no Carril (Vilagarcía de Arousa) e finado en Santiago de Compostela o 5 de outubro de 1854Rexistro Civil de Santiago. Defuncións. Ano de 1854 (Arquivo Histórico Universitario de Santiago-sg.AM 792, p.213v, nº orde 851). Nesta fonte se di que conta 38 anos, é natural de Carril e era solteiro no momento do seu falecemento. Tamén se indica que é Licenciado en Xurisprudencia., foi un xurista e político galego.
Traxectoria Fillo do comerciante avilesino Simón Álvarez Rovés e da compostelá María del Carmen Pérez-Santamarina Flórez-Villaamil, foi sobriño de Luís López Ballesteros e de Pedro Méndez-de Vigo. Estudou Leis na Universidade de Santiago de Compostela, licenciándose en Xurisprudencia.
Afincouse en Santiago de Compostela como avogado. Durante a alcaldía do Marqués de Bóveda de Limia foi o 2º tenente de alcalde e, tras a Vicalvarada, foi elixido alcalde de Santiago de Compostela o 23 de xullo de 1854, presidindo a Xunta de Goberno. A Xunta estivo composta por progresistas de corte esparterista. Porén, tras o Decreto do 1 de agosto de Espartero polo que se minguaba o poder das xuntas locais, deixándoas como simples órganos consultivos, Rovés presentou a súa dimisión o día 4, quedando co posto de primeiro tenente de alcalde. Desde esta data ata o mes de outubro, a cidade continuou sen alcalde, ocupando de xeito provisional a alcaldía Cándido Valdés. Finalmente, o 2 de outubro volveu a presidir a corporación o Marqués de Bóveda, pero Rovés non entrou a formar parte da nova corporación por estar enfermo do cólera, que neste ano afectou profundamente a Galicia. Finalmente, tres días despois Carlos Rovés faleceu no seu domicilio, no número 3 da rúa do Preguntoiro.
Notas
Véxase tamén Bibliografía
Outros artigos Revolución de 1854 en España Partido Progresista Bienio Progresista Alcaldes de Santiago de Compostela
Categoría:Políticos de Galicia Categoría:Nados en Vilagarcía de Arousa Categoría:Nados en 1816 Categoría:Finados en 1854 Categoría:Alcaldes de Santiago de Compostela Categoría:Alumnos da Universidade de Santiago de Compostela Categoría:Personalidades de Galicia sen imaxes finados hai máis de 80 anos