Violent Femmes é o álbum de estrea da banda estadounidense de folk punk Violent Femmes, publicado en vinilo e casete o 13 de abril de 1983 a través do selo Slash Records. No ano 1987 editouse en CD con dous cancións extra, "Ugly" e "Gimme the Car".
No ano 2002 Rhino Records remasterizou o álbum, enchendo o disco con demos e engadindo outro extra con temas ao vivo e unha entrevista de radio para unha edición especial polo seu 20 aniversario, con textos no libreto escritos por Michael Azerrad.
Trátase do traballo máis exitoso de Violent Femmes ata a data, chegando a ser disco de ouro catro anos despois de seu lanzamento, e platino catro anos despois, sen que entrase na lista Billboard 200. Despois de recibir a certificación de platino o 1 de febreiro de 1991, o álbum entrou por vez primeira na lista da Billboard o 3 de agosto dese ano. Dende que Nielsen Music comezou a rastrear electronicamente as vendas en 1991 o álbum vendeu 1,8 millóns de copias.
Slant Magazine listouno no número 21 da súa lista dos 100 mellores álbums dos 80. En xullo de 2016 a publicación dixital Paste colocouno no posto 7 da súa lista dos 50 mellores álbums de post-punk.
Listaxe de cancións
Notas
Categoría:Álbums de Violent Femmes Categoría:Álbums musicais de 1983 Categoría:Álbums de Slash Records