O Museo Numismático da China (en chinés: 中国钱币博物馆; en pinyin: Zhongguó Qiánbì Bówùguan) é unha institución museística chinesa situada en Pequín, centrada na historia da moeda e a circulación monetaria, principalmente nese país.
A institución O Museo Numismático da China está baixo a xestión do Banco Popular da China. Fundouse en 1992 e ten a súa sede na Praza Tian'anmen, en Pequín. As súas instalacións abranguen uns mil metros cadrados e distribúense en dous edificios, que anteriormente pertenceron, respectivamente, ao Banco de Garantía Comercial da China e á delegación en Pequín do Banco Central da China."Introduction ". China Numismatic Museum.Shuomin, Y. (1997). "The designed thinking of the China Numismatic Museum ". En Proceedings of the ICOMON meetings held in: Stavanger, Norway, 1995, Vienna, Austria, 1996. Museo Casa de la Moneda, Madrid. Páxinas 66-68. ISBN 84-88298-03-X
O Museo é membro do Consello Internacional de Numismática. Tamén forma parte do consello do Comité Internacional para os Museos Monetarios e Bancarios (ICOMON),"Chinese Committee of Money and Banking Museums ". China Numismatic Museum. de cuxa novena conferencia anual, celebrada en Pequín en 2002, formou parte do comité organizador."9th ICOMON Annual Conference. 2002: Beijing, China". International Committee for Money and Banking Museums.
O Museo Numismático da China é ademais a sede do secretariado da Sociedade Numismática Chinesa, unha organización non gobernamental de carácter académico fundada en 1982 e rexistrada no Ministerio de Asuntos Civís."China Numismatic Society ". China Numismatic Museum.
A colección miniatura|110x110px|Moeda da dinastía Qing, cun furado cadrado no medio.
miniatura|147x147px|Moeda-lingote de prata con forma de sela de montar.
A súa misión consiste en recoller, expor e investigar as moedas e outros obxectos antigos, modernos e contemporáneos relacionados coa historia bancaria. Os seus fondos superan os 300.000 obxectos numismáticos."Collections ". China Numismatic Museum.
A súa exposición principal céntrase na historia da moeda chinesa e divídese en cinco seccións e, dentro de cada unha, séguense criterios cronolóxicos e subdivisións temáticas. As seccións son as seguintes:
Unificación da moeda. Moedas redondas cun burato cadrado. Moedas de ouro e de prata. Papel moeda e bancos. Presente e futuro.
Ademais da súa exposición principal organiza outras de carácter temporal, entre as que destacan "Tecnoloxía de fundición de moedas antigas chinesas", "Diñeiro contra a falsificación" ou "Moedas do Réxime Vermello".
中国钱币 – China Numismatics É unha publicación periódica de carácter bimensual coeditada desde 1983 pola Sociedade Numismática Chinesa e o Museo Numismático da China. Trátase da única publicación de carácter académico centrada na numismática e na historia monetaria chinesas, aínda que en ocasións estende o seu obxecto de interese á moeda doutros países."China Numismatics ". Sitio web do Museo Numismático da China.
A revista conta con seccións fixas, como "Foro numismático", "Investigación de historia monetaria", "Moeda bancaria e papel moeda", "Achados e tesouros" ou "Tendencias no coleccionismo de moedas".
Galería
Notas
Véxase tamén
Outros artigos Lista de museos numismáticos Sociedade Numismática Chinesa
Ligazóns externas Sitio web do Museo Numismático da China "Museum Special: China Numismatic Museum" (CCTV)
Categoría:Museos de numismática Categoría:Cultura da China