Esperanza Guadalupe Llori Abarca, nada en Puerto Francisco de Orellana en 1963, é unha política ecuatoriana. É asembleísta nacional de Ecuador pola provincia de Orellana. Foi presidenta da Asemblea Nacional de Ecuador, dende o 15 de maio de 2021 até a súa destitución o 31 de maio de 2022; sendo a primeira indíxena na historia de Ecuador en dirixir o poder lexislativo, así como o primeiro membro do Movemento de Unidade Plurinacional Pachakutik en acadar devandito cargo.
Iniciou a súa carreira política no 2000 como alcaldesa de Puerto Francisco de Orellana. Posteriormente foi elixida prefecta da provincia de Orellana, mais foi destituída do cargo en 2008 logo de pasar meses encarcerada tras ser acusada de "sabotaxe e terrorismo" polo goberno de Rafael Correa debido á súa suposta participación nunha folga na poboación de Dayuma en contra de empresas petroleiras. A súa detención foi criticada por organizacións como o Human Rights Foundation, que denunciou tratos "denigrantes" en contra de Llori. En 2009 volveu ser elixida prefecta de Orellana e foi reelixida ao cargo unha vez máis en 2014.
Notas
Categoría:Nados en 1963 Categoría:Nados en Ecuador Categoría:Activistas de Ecuador Categoría:Políticos de Pachakutik Categoría:Alumnos da Universidade Católica de Santiago de Guayaquil Categoría:Mulleres líderes indíxenas