Alejandro "Álex" Alfaro Cascales, nado en Alacant o 15 de xuño de 2002, é un futbolista español que xoga como centrocampista no Torreense, da Segunda Liga de Portugal.
Traxectoria Comezou a xogar ao fútbol no colexio e máis tarde no Carolina, equipo do seu barrio. A continuación pasou pola canteira do Hércules e en 2014 ingresou nas categorías inferiores do Valencia CF, onde permaneceu catro anos. Pasou a súa etapa xuvenil no Elche, co que xogou na División de Honra.
O 4 de setembro de 2021 debutou co Ilicitano na Terceira Federación, nun partido ante o Hércules B. Axiña se afianzou na titularidade e nos seguintes dous anos disputou 60 encontros, 56 deles saíndo dende o once inicial. O 15 de agosto de 2022 debutou co primeiro equipo na Primeira División, substituíndo a Gerard Gumbau nunha derrota por 3-0 contra o Real Betis no Benito Villamarín.
No verán de 2023 decidiu deixar o filial ilicitano e xogar nun club dunha categoría superior, fichando finalmente polo Alzira, da Segunda Federación. Titular en todos os partidos a partir da cuarta xornada, no mercado invernal recibiu varias ofertas e decidiu aceptar a do Deportivo Fabril, da mesma categoría.
Inmediatamente trala súa chegada ao filial deportivista, converteuse nunha peza importante para o conxunto de Óscar Gilsanz, que lle deu a titularidade en case todos os encontros que restaban da tempada. Comezou como titular indiscutible a tempada 2024/25, disputando completos os 11 primeiros encontros de liga do Fabril, ata que en outubro recibiu as súas primeiras convocatorias co primeiro equipo do Deportivo da Coruña, ao que acababa de subir Gilsanz trala destitución de Idiakez.
O 24 de novembro debutou co primeiro equipo na Segunda División, nun partido ante o Sporting de Gijón en Riazor. Saltou ao terreo de xogo no tempo de desconto no lugar de David Mella, rematando o encontro con empate a un gol. Dez días despois saíu como titular na Copa do Rei ante o Ourense CF no estadio do Couto, onde o equipo coruñés caeu eliminado ao perder por 1-0. Ao remate da tempada, que pechou con 33 partidos co Fabril (todos como titular), o club anunciou que non continuaría no equipo.
A continuación incorporouse ao Torreense, da Segunda Liga de Portugal.
Estatísticas ClubTempadaDivisiónLigaCopaOutrosInclúe partidos de promoción de ascenso a Primeira Federación.TotalPartidosGolesPartidosGolesPartidosGolesPartidosGolesElche Ilicitano2021/22Terceira RFEF331 - - - -3312022/23Terceira RFEF272 - - - -272Total club6030000603Elche2022/23Primeira1000 - -10Alzira2023/24Segunda RFEF141 - - - -141Fabril2023/24Segunda RFEF172 - - - -1722024/25Segunda RFEF317 - - 2 0337Total club4890020509Deportivo da Coruña2024/25Segunda1010 - -20Total carreira 124 13 102 0 12713
Notas
Categoría:Nados en Alacant Categoría:Nados en 2002 Categoría:Futbolistas da Comunidade Valenciana Categoría:Centrocampistas de fútbol Categoría:Xogadores do Elche CF Ilicitano Categoría:Xogadores do Elche CF Categoría:Xogadores do UD Alzira Categoría:Xogadores do Deportivo Fabril Categoría:Xogadores do Deportivo da Coruña