miniatura|300x300px|Thomas Edison á beira dun dos seus modelos de casa de cemento. A Edison Portland Cement Company foi unha empresa de Thomas Alva Edison que axudou a mellorar a industria do cemento de Portland. Edison estaba a desenvolver un proceso de moída de mineral de ferro e descubriu un mercado na venda de area residual aos fabricantes de cemento. Decidiu crear a súa propia empresa cementeira, fundándoa en New Village, Nova Jersey, en 1899, e pasou a subministrar o formigón para a construción do Yankee Stadium en 1922.
Historia En 1881, Edison fundou a Edison Ore-Milling Company e intentou durante moitos anos que ese negocio tivese éxito. A demanda era nula e, aínda que Edison trouxo novas innovacións tecnolóxicas á industria, a empresa non puido competir co rico mineral da Iron Range. A pesar do investimento continuo, coa venda de accións de General Electric, a empresa sufriu enormes perdas. Finalmente, a tecnoloxía de trituración de mineral vendeuse a outros propietarios de minas.
O proceso de fabricación empregado pola Edison Ore-Milling Company producía unha gran cantidade de area residual que vendía aos fabricantes de cemento. As propiedades da area fina eran particularmente axeitadas para o formigón, o que daba lugar a un produto máis duro e duradeiro. En 1899, Edison decidiu unirse ao negocio do cemento, reutilizando parte da tecnoloxía que desenvolvera para a moída de minerais.
O seu muíño no val do río Delaware en Nova Jersey contou cos primeiros fornos longos e rotatorios do mundo. Mentres que a lonxitude estándar era de entre 60 e 80 pés, os fornos de Edison chegaban aos 150 pés. Para mellorar a súa estabilidade financeira, licenciou os fornos a outros fabricantes, pero isto axudou aos seus competidores a mellorar a súa produción. Finalmente, a industria saturouse e o negocio de Edison non foi particularmente rendible. centro|miniatura|300x300px|Obreiros galegos ao servizo da Edison Portland Cement Company en 1910.Vida Gallega. Número 21, 31/5/1910
Notas
Categoría:Empresas dos Estados Unidos de América Categoría:Empresas fundadas en 1899 Categoría:Thomas Edison