Unha bomba de insulina (ou bomba de infusión continua de insulina) é un dispositivo médico que administra insulina de forma continua ao corpo a través dun catéter.
Teñen un tamaño similar ao dunha baralla de cartas e normalmente funcionan con pilas AA.
Funcionamento A bomba de insulina segrega insulina de xeito basal as 24 horas do día, pero este tratamento debe ser reforzado con birlos de insulina cada vez que se coma, de acordo coa cantidade de alimento que se vai a inxerir.
As bombas de perfusión actuais incorporan programas que axudan a calcular o birlo máis adecuado en función da glucemia do momento, os carbohidratos que se van a tomar e considerando os factores personais que o médico asigna a cada usuario.
Beneficios
Aporta unha maior autonomía á persoa con diabetes, posto que non debe estar suxeito aos estritos horarios aos que se somete coas insulinas cotiás, sen que por iso se altere o seu control de glicosa en sangue se este xa é bo ou mellorándoo sensiblemente no caso de que non sexa o óptimo. Segundo estudos científicos diminúe ata nun 70% o risco de hipoglucemias.
Consumibles Os consumibles que utiliza a bomba de insulina son os seguintes:
Cartucho de insulina: débese substituír unha vez esgotado, tendo en conta que os fabricantes de insulina recomendan facelo con relativa frecuencia (cada 2 ou 3 días).
Equipo de infusión: tubo de plástico que na punta ten unha agulla ou cánula branda por onde se introduce a insulina ao organismo. Débese substituír aproximadamente cada 3 días. Existen diversos tamaños de tubo e cánulas para adaptarse ás características de cada usuario.
Notas
Categoría:Equipamento médico