Höfuðborgarsvæði (en galego: Distrito da Capital) é unha das oito Rexións administrativas de Islandia. Correspóndese coa área metropolitana da súa capital, Reiquiavik.
Demografía Höfuðborgarsvæði é con moito a rexión máis habitada do país, ao ter unha poboación de 200,852 habitantes (2009), o que supón un 62,1% da poboación total do país para unha rexión que constitúe unicamente un 1% da superficie total do país. A súa área é de 1.062 km², e a súa densidade de poboación é de 187.4 habitantes por quilómetro cadrado.
+ Evolución demográfica da rexiónAnoPoboaciónPorcentaxe dapoboación islandesa 1920 21 441 22,70 % 1930 33 854 31,16 % 1940 43 841 36,06 % 1950 65 080 45,10 % 1960 89 493 49,93 % 1970 109 238 53,40 % 1980 121 698 52,65 % 1990 145 980 56,65 % 2000 175 000 61,44 % 2007 196 161 62,30 %
Condados Na rexión de Höfuðborgarsvæði está situado un dos vinte e tres condados de Islandia, o de Kjósarsýsla.
Municipios miniatura|Mapa que mostra a relación dos sete municipios coa cidade de Reikjavík. A área metropilitana de Reiquiavik comprende os seguintes municipios: Reiquiavik (120.165) Kópavogur (29.886) Hafnarfjörður (27.726) Garðabær (10.331) Mosfellsbær (8.625) Seltjarnarnes (4.437) Álftanes (2.487) Kjósarhreppur (190)
Con respecto á capital, os municipios están localizados do seguinte xeito:
Oeste de Reiquiavik: Seltjarnarnes Nordeste de Reiquiavik: Mosfellsbær e Kjósarhreppur Sur de Reiquiavik: Kópavogur, Garðabær, Hafnarfjörður e Álftanes
Cada municipio ten o seu propio concello independentemente elixido.
Xeografía miniatura|Suburbios de Reykjavík: A cidade de Reiquiavik está situada na península de Seltjarnarnes, cuxa extensión é de 8 km. de longo por 5 km. de ancho e se estende dende a costa suroriental da baía de Faxaflói. A súa paisaxe posúe varios pequenos outeiros e un val principal, o Laugardalur. Na costa norte de Seltjarnarnes hai unha pequena baía chamada Reiquiavik, e na súa beira se atopa o centro histórico e a parte máis antiga da cidade.
A raíz do seu desenvolvemento ao longo das décadas, o centro xeográfico da área metropolitana está na actualidade en Kópavogur, o segundo municipio en poboación máis grande do país. Cinco dos seis núcleos urbanos da área desenvolvéronse nos últimos 50 a 70 anos, a excepción de Hafnarfjörður, que era unha antiga vila pesqueira.
A meirande parte da poboación da área vive na península de Seltjarnarnes ou nos tres suburbios de Reiquiavik. Cada un deles foi planeado de xeito individual, e entre estes existen grandes áreas verdes sen edificar. Estes suburbios son de sur a norte:
Breiðholt: o suburbio máis grande. Árbær: é o suburbio máis pequeno, mais inclúe a rúa máis populosa do país, Hraunbær, con 2.403 habitantes. Grafarvogur: o suburbio máis austral.
Grafarholt tamén é un distrito residencial, mais ao ser pequeno é considerado como parte de Grafarvogur.
Todos estes núcleos están localizados ao sueste de Reiquiavik. A paisaxe da área caracterízase polas súas pequenas penínsulas, baías e centos de illotes. A península Seltjarnarnes esténdese de sur a oeste, estando separada do continente por unha baía que se estende de norte a sur, directamente a través da península. Seltjarnarnes só se une con terra firme polo sur.
Galería de imaxes
Categoría:Rexións de Islandia