Café con Gotas foi unha revista editada en Santiago de Compostela de 1886 a 1892 con interrupcións.Santos Zas, Margarita (1999) Café con gotas: semanario satírico ilustrado, 1886-1892 Santiago de Compostela: Universidade de Santiago de Compostela, pp. XIV-XVI
Historia e características Subtitulada Semanario humorístico sin tostada e Semanario cómico, satírico, ilustrado etc, apareceu o 17 de outubro de 1886, e atravesou tres épocas de edición. Foi dirixida por Manuel Carballido García na primeira época, por Antonio Felipe Lueiro na segunda, e por Moisés González Besada na terceira. Editouse na imprenta de Alonso Viéitez. Ao longo dos anos contou coas colaboracións de Manuel Curros Enríquez, Alberto García Ferreiro, Enrique Labarta Pose, Aurelio Ribalta e os irmáns Valle-Inclán (Ramón e Carlos). Tiña como seccións: "Sin tostada" e "Gotas". Apareceron algunhas composicións en galego e caricaturas de personaxes coñecidos da época, realizados por José Pando.
Notas
Véxase tamén
Bibliografía
García Rodríguez, R.: "La prensa santiaguesa de hace cien años". La Voz de Galicia. 29/4/1982.
Santos Zas, Margarita (1999): Café con gotas: semanario satírico ilustrado, 1886-1892 (facsímile) Grupo de Investigación Valle-Inclán. USC. ISBN 84-8121-775-1.
Outros artigos Lista de publicacións impresas da provincia da Coruña Café con Tostada A Gaita Gallega (1885) Galicia Cómica (1885)
Categoría:Prensa escrita de Santiago de Compostela Categoría:1886 en Galicia Categoría:Revistas humorísticas