Amir (hebraisk skrift , tyder Nek) er ein kibbutz nord i Israel. Han ligg på Galileastripa nær Kiryat Shmona, og høyrer til Øvre Galilea regionale kommune. I 2011 hadde han eit folketal på 536. Kibbutzen ligg på austbreidda av Jordanelva i Huladalen, med utsyn over det snødekte Hermon i nordaust og Ramat Naftali i vest.
Landsbyen vart grunnlagd 29. oktober 1939 på landområdet kjøpt av Jewish National Fund frå den arabiske landsbyen Khiyam al-Walid. Han var den siste av tårn- og palisade-busetjinga og den einaste som vart grunnlagd under andre verdskrigen. Grunnleggjarane var immigrantar frå Litauen og Polen, og fekk seinare med seg tyske og jugoslaviske nybyggjarar. I starten var dei plaga av malariautbrot, men klarte å opprette ein gard. I følgje ein rapport frå Jewish National Fund i 1949, vart det opna ein klinikk i Amir for å behandle malaria og augesjukdomar. Fram til byrjinga av den arabisk-israelske krigen 1948 var behandling der gratis for arabiske innbyggjarar i nabolandsbyane.
På grunn av plasseringa, vart kibbutzen råka av flaum kvar vinter, og i 1942 vart han flytta til den noverande staden på landområde kjøpt frå den arabiske landsbyen al-Dawwara.
Kjelder
Denne artikkelen bygger på «Amir, Israel» frå , den 30. mars 2015. oppgav desse kjeldene:
Kategori:Kibbutzar Kategori:Kibbutz-rørsla Kategori:Jødiske landsbyar i Palestinamandatet Kategori:Litauisk diaspora i Israel Kategori:Busetnader grunnlagde i 1939 Kategori:1939 i Palestina Kategori:Busetnader i Det nordlege distriktet i Israel Kategori:Polsk diaspora i Israel