Сѣверна Македо́ния ( Северна Македонија, Maqedonia e Veriut), официална назва Републи́ка Сѣверна Македо́ния ( Република Северна Македонија, Republika e Maqedonisë së Veriut) — балканска держава на юговыходѣ Европы. Сѣверна Македония мать границѣ з Албаниев, Болгариев, Грециев, Сербиев. Головне мѣсто — Скопие. Обывательство — 2 077 132 (31.12.2018) особы. Плоха 25 713 км²; густота залюднѣня — 81/км².
ГимнаДенес над Македонија (Днешность над Македониев). Политична организация Парламентска република.
Назва Назва державы была предметом спора з Грециев. 17. юна 2018 Сѣверна Македония и Греция рѣшили спор, котрый ся тяг 27 рокы. Нова назва державы — Сѣверна Македония — была догоджена обома сторонами и в року 2019 были учинены потребны легислативны крокы, так же тоты змѣны достали платность од 12. фебруара 2019.Loring Danforth.
География Краина гориста, найвысша точка, Кораб, 2752 м, лежить на граници з Албаниев. Главна рѣка Вардар, належить до базена Егейского моря. Територия сейсмично активна, найвекше остатне трясѣня было в року 1967 (епицентер Дебар). Главный город Скопие быв во векшой части збуряный трясѣньом в року 1963.
История До роспада Югославии Сѣверна Македония мала назву Социалистична Република Македония и была частьов Социалистичной Федеративной Републикы Югославия (СФРЮ). В минулости тот регион быв 500 рокы под владов Османской империи и лежав на важных торговых путях. Хоть обывательство в основѣ славянске и православне, але тота минулость наклала на нього свою печать. Значну часть обывательства творять Албанцѣ, Турци, Арумыны и Ромы, та з того погляду то переходна зона меджи Европов и Азиев.
Интересны факты Служба во войску в Сѣверной Македонии добровольна. Повинне школованя е девятькласне, од 7-рочного вѣку, а одбывать ся не лем в македонском языку, але в районах бываня векшых народностных меншин — в языках тых меншин.
Жерела и одказы Свѣтовый банк: ГДП держав свѣта подля ПНС в року 2016 (pdf)
Референции
Катеґорія:Країны Европы Катеґорія:Країны Катеґорія:Штаты і теріторії, котры основаны 1991