Винниця тото плантація вина (грезна). Винниці ся кладут про виноробство, выробу неалкоголного грезнового соку, грозенок.
Історія
Майстарый спомин за виноробство ся датує 6000–5000. роками до н. е. Читавый поступ у виноробстві вчинили давні грекы, айбо сучасні култиваційні технікы ся зачали пошырьовати Европов онь у часы розпаду Римської імперії.
У середньовічнуй Европі твердым пудпоровачом виноробства была католицька церьков, про котру вино было критично важноє в справляньови мес. Бігом нестабілного середньовіку виноробство практиковали й розвивали манастырі, бо мали ресурсы, безпеку, стабілность и інтерес в уліпшеньови кваліты вин. Їхні винниці были майліпші в Европі, а vinum theologium („теолоґічноє вино“) ся держало майліпшым уд ушыткых другых вин.
Европські винниці ся засажовали вшылиякыми варіаціями вида Vitis vinifera. У другуй половині 19. стороча цілый вид быв почти выгубленый, кой до Франції з Сіверної Америкы ненароком привезли овада-шкодника філоксеру; америцькый вид Vitis labrusca мав імунітет уд філоксеры. Vitis vinifera спасли, прискіплювучи їх до матиць америцькых сортув, айбо філоксера так ся и лишат угрозов про неприскіплені вина.
Референції