Вивьен Ли, Vivien Leigh, роджена Vivian Mary Hartley, , Дарджилинг, Британска Индия — , Лондон, Велика Британия — британска филмова и театрална актерка. За час своей филмовой карьеры достала два престижны Оскары за роль Скарлетт О'Гара во филмѣ Однесены вѣтром (1939) и за роль Бланш Дюбуа во филмѣ Трамвай желаня (1951).Encyclopædia BritannicaУтилов В. А.
Живот и творба Походила з родины биржового маклера, родилась в Индии. Зачала актерску карьеру, поступивши в Лондонску Кральовску академию драматичного умѣня (1931). Того ж року оддала ся за свого первого мужа, британского адвоката Герберта Ли Голмана, и прияла его друге имя. за свое сценичне. В року 1932 по роджѣню дѣвочкы перервала штудии и заграла в даколькых британскых «шоровых филмах», але сензачный успѣх мала на сцене лондонского театра Амбасадор (1935). Хоть на тот час мала невышколеный сценичный голос, ей ужасне сценичне майстерство и красоту немож было игноровати, и того ж року 1935 она подписала контракт з филмовым магнатом Александром Кордом. В року 1936 успѣшно грала в парѣ з британскым актером.Лоуренсом Оливье, з котрым ся побрала в року 1940. Свѣтову славу достала в року 1939 рольов Скарлетт О'Гара во филмѣ Однесены вѣтром за романом Маргарет Митчелл.
В року 1944 достала травму в часѣ филмованя, наслѣдком котрой быв потрат. Од того часу ся у ней вывинула психична и тѣлесна нестабилность, прогресуюча туберкулоза, зосилнена погоршѣньом родинных односин з Лоуренсом Оливье, котры ся закончили розводом в року 1960. Свою карьеру она завершила на триумфалной нотѣ рольов Анны Петровны в нюйоркской постановцѣ подля гры Иванов од Антона Чехова (1966). В року 1967, в повном прудѣ далшых театралных проб, была найдена мертвов во своем лондонском бываню.
Жерела и одказы Утилов В. А.: Вивьен Ли. — Москва: Искусство, 1963. — 256 с. — (Мастера зарубежного киноискусства). — .
Референции
Катеґорія:Филмовы артисты Катеґорія:Артисты театра Катеґорія:Персоналії подля алфавіту