Ирина Невицка, Irena Nevická, *10. децембер 1886, Збудска Бела, Мадярске кральвство – †21. новембер 1965, Пряшов, ЧССР — писателька украинской ориентации, сполоченска и културна активистка Пряшовского края, Подкарпатской Руси и Карпатской Украины.Федір КовачІван Поп
Биография ПоходжѣняПоходила з интелигентной родины. Отець, Павел Бурик, гимназиалный професор, сын священика; мати, Анна Ковалицка, газдыня обыстя, дѣвка священика. Мали трое дѣти: Павла (1883), Ирину (1886) ай Олгу (1888). Мати умерла в року 1889 на тифус. По трьох роках отець побрав ся з Геленов Ханат, котра была про дѣтей добров мамов, ани не споминали за ню, як мачоху. В року 1895 умер ай Павел Бурик, на тетанус.
ШтудииИрина Бурик ся учила в Сабиновѣ:спочатку в зачаточной школѣ по нѣмецкы, пак в прогимназии по мадярскы. Затым ся записала в Пряшовѣ на грекокатолицку учительску руску семинарию, але тоту не закончила, бо в року 1903, 16-рочна, ся оддала за едного молодого преподавателя, Емилиана Невицкого, котрый такой по свадьбѣ быв высвяченый на священика и достав придѣлѣня до Чичавы.
Далшый животПробывала въедно з мужом в парохиях, де го дали служити: Чичава (1903–1909) и Удол (1909–1922) и была му вѣрнов помочницьов в его активной политичной чинности. Од року 1922, коли муж емигровав до США, Ирена Невицка зостала сама з шѣстьома дѣтми и перенесла ся до Пряшова, де вывинула активну сполоченску чинность, а в роках 1933–1938 продовжила в Ужгородѣ, покля не быв переданый Мадярам подля Вѣденьской арбитражи, од року 1939 пробывала зась в Пряшовѣ аж до конця живота, але уж без жадной участи в сполоченско-културном животѣ. По Другой свѣтовой войнѣ была обвинена з буржоазного национализму и одстранена з литературного и сполоченского поля. Жила осамѣла и забыта.
Сполоченска чинность Ей сполоченска чинность мала двѣ доминанты: украинство и феминизм:М. І. Мушинка 1918 (новембер) — помогала мужови скликати Руську народну раду в Старой Любовни, яка стояла за приеднаняи Пряшовского края и Подкарпатской Руси ку Украинѣ; 1922 — основала «Союзъ русских женъ у Пряшевѣ» и выдала его первый календарь (далшых не было); 1925 — организовала аматерскый драматичный театер, котрый ставив украинскы гры ай тоты, што сама писала, напр. «Боже провидѣніе»; 1927 — зреализовала перву выставку украинского.народного умѣлства в Пряшовѣ; 1930 — створила осѣдок товаришства «Просвѣта» в Пряшовѣ; 1931–1932 — основала и редаговала перву украинскоязычну новинку Пряшовского края «Слово народа», яка выходила фонетичным правописом; 1933 — перенесла ся до Ужгороду, де того ж року заложила женску секцию «Просвѣты»; 1934 — инициовала скликаня Первого женского конгресу (украинофилского, 4 500 участниць); 1936–1938 — основала и стала на чолѣ Украинской селянской партии и редаговала партийну новинку Народна сила; 1938 — в добѣ политичной кризы в Чехословакии спомагала заложѣню «Жіночої Карпатської Січі» (голова , организачный референт ), была членков Централной Руськой Народной Рады, а по окупации Ужгорода мадярскым войском вернула ся до Пряшова и одтогды не брала участь во сполоченском животѣ.
Литературна творба Зачала ся публиковати в новинках Недѣля и Наука в року 1905. До первой свѣтовой войны печатала ся лем под пседонимами, а пак зачала выступовати и неприкрыто. У циклѣ поезий Одисея нашого народу оспѣвала Руську народну раду в Старой Любовни (1918).
В Пряшовѣ (1922–1932) написала велике число гер про аматерскый театер, але книжно вышла лем една гра в двох дѣйствах («Боже провидѣніе», 1925). До пряшовского периоду творчости припадать и велике число поезий, якыма Ирина Невицка «аж сыпле»; ей поетична творчость начудо наивна и слаба формов, о то вецей щира и патриотична, а кедь зважити незакончене школованя авторкы и чужоязычне окружѣня, та видить ся цѣлком приятельнов. В Пряшовѣ тыж написала историчный роман Правда побѣдила (1923) — вольну переробку романа «Quo vadis» («Де йдеш?»), публиковану в ужгородской новинцѣ Русинъ на продовжѣня, котру робила на просьбу , чешского професора, якый тогды працовав в Подкарпатской Руси, а як гонорар достала она наклад свого твору, выданый окремов книжков (1924). Олена Рудловчак оцѣнюе роман Правда побѣдила, як не маючый литературну цѣнность историчный факт зачатку жанру украинского роману в Подкарпатской Руси. Напротив, варты позорности суть повѣданя, што склали зберьку Дарунок (1929). Авторка выступать ту як добрый психолог, з актуалныма и днесь проблемами любови до ближнього, добра и зла, свого и чужого, чоловѣка и войны, чоловѣка и обстоянь, ровности перед смертьов и Богом и т. д. З погляду идейно-тематичного звучаня мала проза Ирины Невицкой стоить в едном рядѣ з повѣданями , , , , але манѣра поданя, психологична мотивация чинох постав, лиричность прозраджують феминистичны наставлѣня авторкы.
В Ужгородѣ (1933–1938)Од середины выступовала з публицистиков в новинках Свобода, Нова свобода тай иншых, в календарях. В журналѣ Пчолка уже од другой половкы публиковала повѣданя за хлопчика-сиротюка Матѣя Куколку, котры пак склали ся на повѣсть. Кажде з невеликых повѣдань може ествовати само по собѣ. Окремов книжков мала повѣсть выйти в року 1939 под редакциов в Хустѣ, але вышла лем посмертно, в року 1968 в Пряшовѣ, ай то лем перва ей часть. Аж в року 1994 Словацке педагогичне выдавательство опубликовало «Пригоди Матія Куколки» в четырьох частях: «Матій Куколка на селі», «Матій Куколка на ярмарку», «Матій Куколка у майстра», «Матій Куколка в місті».Наталія Ребрик
Жерела и одказы
Федір Ковач: Невицька Ірина, дів. прізв. Бурик //
Іван Поп: Невицька Ірина //
Референции
Катеґорія:Украинскы писателе Катеґорія:Украинскы поеты