Стратигра́фия, од stratum пасмо, слой + γράφω пишу, рисую — наука, конарь геологии, котрый штудируе хронологичну поступность формованя горнин, их зачаточны просторовы уложѣняБілецький В. С., с. 189Прохоров А. М., c. 1279
Стратиграфия творить основу историчной геологии, а ей принципы и методы ся поуживають в таких областях, як ропна геология и археология.Encyclopedia Britannica
История Теоретичны заклады стратиграфии поклав католицкый священик Николас Стено, Nicolaus Stenonius (1638–1686), котрый установив основный закон стратиграфии: «В нерушаных геологичных пасмах глубше положены суть давнѣйшы» (1669).В другой половцѣ XIX. стороча были означены основны геологичны системы и их хронологична поступность.
В року 1878 быв основаный Меджинародный геологичный конгрес (IGC), котрый пробовав штандартизовати стратиграфичну скалу. По неуспѣшных пробах быв основаный в року 1961 Меджинародный союз геологичных наук (IUGS), котрый створив Меджинародну комисию стратиграфии (ICS), што мать тоту роботу докончити.
Актуалный стан Стратиграфичны згледованя передо вшиткым занимають ся седиментныма горнинами, но тыж штудирують пасмовиты магматичны горнины (творены потоками лавы) або метаморфичны горнины. Меджи найстаршыма методами стратиграфии были литостратиграфия (означѣня пасма на основѣ типу горнины), биостратиграфия (означѣня пасма на основѣ найденых там скамѣнѣлости) и др., в ходѣ далшых згледовань ся вывинули магнетостратиграфия, климатична стратиграфия, сейзмична стратиграфия и др. Меджинародна комисия стратиграфии (ICS) регуларно публикуе найновшу хроностратографичну скалу на своем официалном сайтѣ. Актуална стратиграфична таблиця'' доступна в интерактивном режимѣ по англицкы, а тыж в формѣ документа або рисунка на вецеро языках.Актуална стратиграфична таблиця
Жерела и одказы
Білецький В. С. (ред.): Мала гірнича енциклопедія. В 3 т. — Том 3. С–Я — Донецьк: Східний видавничий дім, 2013 Прохоров А. М. (гл. ред.): Большой энциклопедический словарь — Москва: Советская энциклопедия, 1993. — 1630 с.
Референции
Категория:Геология