Тота статья пише о роках 1701–1918. О скоршых и далшых см. Пруссия
Кральовство Пруссия, Königreich Preußen, взникло через повысшѣня Герцогства Пруссия до ранга кральовства в року 1701. Под тов назвов прусска держава ествовала до року 1918, а од року 1871 была пановнов зложков Нѣмецкого цѣсарства, прусскы кралѣ были едночасно нѣмецкыма цѣсарями.
История (панованя: 1688–1713), сын «Великого курфюрста» Герцогства Пруссия, Фридриха Вилгелма Великого (1640–1688), домогав ся кральовской титулы, але император затято не давав суглас. Лем позычивши императорови 8-тысячне войско на его роспорядку ся добив свого.Патрушев А.И., с. 153.
18. януара 1701 в Кенигсбергу дав ся коруновати яко , краль Пруссии. Надале, хоть Бранденбургскы землѣ Гогенцоллернох зоставали в Священной Римской империи и под высшов владов ей императора, неодовго на практицѣ зачали быти трактованы як належны ку Кральовству Пруссия, а не окремы од него.Encyclopedia Britannica: Prussia
Зачаток кральовства числять од року 1701, хоть официално таку назву оно достало позднѣйше. Его невелика територия при абсенции всякых природных богатств и полога в самом центрѣ Европы вели ку военско-бюрократичному характеру штату з великов рольов войска. В наступных войнах Пруссия росширила свои землѣ.Матвеева А. Г.
Краль (панованя: 1740–1786) уже неодовго по вступѣ на трон вломив ся до Шлезии и по рядѣ далшых войн в року 1763 добыв про свое кральовство тоту богату и промыслово вывинуту землю, з чим Пруссия стала ся вызнанов яко велика держава. Наступно, при первом роздѣлѣ Польщи (1772) достав од ней тзв. Кральовску Пруссию, котра стала ся Западнов Пруссиов, и так териториално злучив кральовство з Бранденбургскыма землями Гогенцоллернох. Наступник на тронѣ (панованя: 1786–1797) не быв такый успѣшный як его стрый. Хоть далшы два дѣлѣня Польщѣ (1793, 1795 ) принесли Пруссии новы великы територии економика кральовства упадала и войско однесло поражку од французского и германского. Его сын (панованя: 1797–1840) пробовав невтралну политику сопротив Наполеону, але наконець мусѣв вступити до бою, котрый ганебно програв (1806) и Пруссия подписала в року 1807 Тилзитскый договор, котрым стратила вшиткы територии на запад од Лабы и вшитко, што была зыскала при другом и третьом дѣлѣню Польщи, въедно з южнов частьов того, што достала при первом, мусѣла платити тяжку контрибуцию и прияти французску окупацию векшины своей територии. Поражка указала заосталость Пруссии и змусила до економичных, социалных и войсковых реформ.
В року 1812 Пруссия вымушено ся зучастнила походу Наполеона на Россию, а по его поражцѣ перешла до антифранцузской коалиции и брала участь в розгромѣ Наполеона. Подля рѣшень Вѣденьского конгреса Пруссия практично вернула собѣ територии сперед року 1803 и зыскала дакотры новы. В року 1834 Пруссия створила Мытну унию вшиткых германскых держав, окрем Австрии и Гамбурга. (панованя: 1840–1861) в револучных роках пробовав стати у чело зъединителного процеса на германском просторѣ, конкуруючи з Австриов. В року 1844 задусив повстаня в Шлезии, а по поражцѣ револуции 1848–1849 своим декретом утвердив конштитуцию, котра без змѣн была платна до року 1918. Як року 1857 достав мозковый удар, регентом ся став его брат Вилгелм Прусскый, котрый по смерти краля быв корунованый яко (панованя: 1861–1888).
Пановници Курфюрсты Бранденбурга и кральове Пруссии, 1713–1871 Фридрих III/I. (од 1701 — краль Пруссии Фридрих I) 1688–1713 Фридрих Вилгелм I. 1713–1740 Фридрих II. Великый 1740–1786 Фридрих Вилгелм II. 1786–1794 Фридрих Вилгелм III. 1794-1840 Фридрих Вилгелм IV. 1840-1861 Кральове Пруссии и цѣсарѣ Германии, 1871–1918 Вилгелм I (регент — од 1858, краль Пруссии — од 1861, германскый цѣсарь — од 1871) 1861/1871–1888 Фридрих III 1888 Вилгелм II 1888–1918 Наслѣдком револуции монархия в Германии была зрушена. Последный цѣсарь утѣк до Нидерландох, де перебывав до своей смерти.
Жерела и одказы
Референции
Катеґорія:История Германии Катеґорія:Заниклы штаты Германии