Юрий Костюк

Юрий Костюк, Юрій Юрійович Костюк, (правдиве призвиско Ко́стьо) , Сѣрма, жупа Угоча, Мадярске кральовство – , Пряшов, Словакия — подкарпатскый педагог, композитор и културный дѣятель.Михайло АлмашійМадяр-Новак В. В.М. І. МушинкаИван Поп

Биография

Родина и штудии Походив з родины жиляря Юрия Ко́стя (1882–1961) и Марты Фегер (1888–1966).Микола Мушинка Учив ся в народной школѣ Сѣрмы (1918–1924), в севлюшской горожанской школѣ (1924–1927), мукачовской учительской семинарии (1927–1931). З дипломов учителя зачаточной школы учительовав в Росвиговѣ, Кайдановѣ, Старому Давыдковѣ (1931–1935).Федір Ковач

В тых роках екстерно ся учив на мукачовской гимназии, де матуровав в року 1935, а такой того року ся в Празѣ записав на третий курз конзерватории и на первый курз оддѣлѣня музичных наук филозофской факулты Карловой универзиты. В року 1936 ся оженив з 16-рочнов штудентков Йоланов Лаутнер з Мукачова, а року 1939 им ся родив сын Антон. Штудии завершив року 1938 и з двома пражскыма дипломами вернув ся на осень до Подкарпатской Руси.

Педагог, фолклориста, музикознатель Уже в Празѣ, в штудентскых роках быв диригентом 50-членного мужского хору пражскых карпаторусскых штудентох „Возрождѣніе”.

Дома быв професором музикы и спѣву в учительской семинарии Севлюша (1939–1941) и Ужгорода (1941–1944). В роках 1942–1943 усиловно зберав людовы спѣванкы меджи Русинами Войводины, румынского Марамуреша и в около 20 селах днешнього Закарпатя. Резултатом стала ся зберька Народнѣ пѣснѣ подкарпатскихъ русиновъ сполуавторох Д. Задора, Ю. Костя, П. Милославского (Унгваръ: ПОН, 1944; перевыдана 1992)

Основав около 40 фолклорны ансамблы в Подкарпатской Руси и Пряшовском краю. В послѣдных роках войны (1944–1945) быв капелмайстром Чехословацкого армадного корпуса. По демобилизации зостав в Чехословакии и працовав яко преподаватель музикы в середних школах в Празѣ (1945–1948), Пряшовѣ (1948–1958), организатор профессионалных фолклорных ансамблох в Пряшовском краю. Быв преподаватель, доцент (1966), ведучый катедры музикы (1966–1977) Универзиты Павла Йозефа Шафарика в Пряшовѣ.

Интересны факты Правдиве призвиско Юрия Костюка было Ко́стьо. А змѣнив го 1944 року при вымушеных обстоянях. В януарѣ 1944 быв мобилизованый до мадярского войска, де як гимназиалный професор, знаючый веце языкох (русскый, мадярскый, чешскый, словацкый, французскый и нѣмецкый) служив за штабного товмача. В октобрѣ 1944 дезертовав и, не маючи ниякых документох, доброволно дав ся заяти русскым, назвавши себе „Костюком”. Аж бы ся назвав правдиво и повѣв, кым быв в мадярском войску, быв бы поважованый за шпиона, етапованый на Сибирию, а може ай розстрѣляный. Под прибраным призвиском трафив до партизанской школы, а наконець до 1. чехословацкого армадного корпуса, веденого Лудвиком Свободом. Прибране призвиско зостало му на цѣлый живот.

Жерела и одказы Михайло Алмашій: Костюк Юрій //Алмашій, Михайло. Русинська педагогічна енциклопедія. — Ужгород: Карпатська Вежа, 2005. — 304 с. Федір Ковач: Костюк Юрій // Мадяр-Новак В. В.: Костюк Юрій Юрійович //

Референции

Катеґорія:Педаґоґы Катеґорія:Композіторы і музиканты Катеґорія:Русиньскы умелцї Катеґорія:Русиньскы фолклорісты