Дро́тинцѣ, Дротинці (до року 1946 Сѣрма) — село в Виноградовском районѣОд року 2020 инкорпорованый Береговскым районом. Закарпатской области Украины, подряджене Дротинской сельской радѣ.Тронько П., с. 245. В року 2020 Найвысша Рада Украины ликвидовала сельску раду и подрядила село Виноградовской териториалной громадѣ Береговского района.Облікова картка на сайті ВРУ
Полога Село лежить на правом березѣ Тисы, о на югозапад од бывшого районного центру и о од найближшой желѣзничной штации Фанчиково на линии Ужгород – Солотвина.
Назва Назва села походить од закладателя, котрым быв грофскый род Szirmay. В часѣ монголского впада до Европы еден витязь Raak зоз 38 членами свого рода бойовав по боку мадярского краля и загынув з векшов частьов своих сполубойовникох. За тоты заслугы достав грофскый титул и землѣ в жупах Боршод, Шариш, Земплин, Угоча и другых. Призвиско походить од Sirmium (Срѣм). Трое сынове витязя, Ottobor, János и Cheburka, основали вецей сел з назвов Szirma, до котрой ся по часѣ додали розликовы префиксы.Révai nagy lexikona Село в жупѣ Угоча достало префикс Tisza, од рѣкы, над котров лежить.Marosi Anita
История Перва документована исторична споминка датована роком 1251.
В року 1717 Сирма и околичны села были спустошены крымскыма Татарами. По тому пак их наново заселили Русины.
При списованю року 1910 зоз 580 обывательох села были: 430 Русины, 90 Мадяре, 59 Нѣмцѣ, подля вѣры 458 грекокатолици, 65 израелиты, 30 римокатолици. До Трианона село належало притисянскому округу, Tiszáninneni járás жупы Угоча.A történelmi Magyarország В року 1910 грекокатолицка громада завершила ставбу мурованого храма, котрый быв высвяченый на Рождество Пресвятой Богородицѣ (21. септембра) на мѣстѣ старой деревяной церкви.
При списованю року 1930 Сѣрма, Tiszszirma мала 726 обывательох, а зоз них были: 605 Русины, 71 Евреи, 47 Мадяре, 3 чужоземцѣ. Ку грекокатолицкой громадѣ належав 601 вѣрник. В селѣ была русинска школа (2 класы).Достал Я., с. 212.
25. октобра 1944 Сѣрма выслободжена од нацистичной окупации Червенов армадов. До 22. януара 1946 належала ку Закарпатской Украинѣ, а од того дня ку УССР. Влѣтѣ того року в ходѣ громадного переименованя населеных пунктох переименована на Дротинці. В року 1949 влада заказала Грекокатолицку Церковь, а мѣстный парох быв засудженый на 25 рокы лагрох за то, же не переступив на православие, вернув ся в року 1956, але храм передали православным, а не вернули го ани по року 1989. Зато грекокатолици выставили собѣ иншый храм, котрый высвятив епископ Йоанн Семедий 19. септембра 1999.
Вызнамны особы Юрий Костюк (1912 – 1998), подкарпатскый педагог, композитор и културный дѣятель.
Жерела и одказы
A történelmi Magyarország atlasza és adattára 1914 Доступно онлайн Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. Тронько П. и др. (ред.) Історія міст і сіл України. Том 7. Закарпатська область. К. 1969. Облікова картка на сайті ВРУ Референции
Катеґорія:Населены пункты Украины Катеґорія:Населены пункты Закарпатской области